|
24.03.25
Արթիկ համայնքի ղեկավարն ընդունել է Արթիկի երիտասարդների տան` Լեհաստանի Հանրապետություն մեկնող երիտասարդներին
|
|
🔰 Այսօր Արթիկ համայնքի ղեկավար Անան Ոսկանյանն ընդունել է Արթիկի երիտասարդների տան համակարգող Սոնա Պապոյանին, կենտրոնի շահառու երտասարդներ Ռուբեն Քերոբյանին, Էլեն Մկրտչյանին և նրանց ծնողներին։
Երիտասարդները բնապահպանական ծրագրի փորձի փոխանակման շրջանակում մեկնելու են Լեհաստանի Հանրապետության Օժիշ քաղաք։
Համայնքի ղեկավարն իր խոսքում ցանկացել է, որ երիտասարդներն արդյունավետ և բովանդակալից ժամանակ անցկացնեն Լեհաստանի Հանրապետությունում, մասնակցեն ուսումնական դասընթացներին, և իրենց ստացած գիտելիքներն ու ձեռք բերած փորձը դարձնեն կիրառելի իրենց և ընկերների շրջանում։
|
|
|
21.03.25
Այսօր տեղի է ունեցել Արթիկ համայնքի ավագանու առաջին նստաշրջանի հերթական նիստը
|
|
📝 Այսօր Արթիկ համայնքի ղեկավար Անան Ոսկանյանի գլխավորությամբ տեղի է ունեցել Արթիկ համայնքի ավագանու 2025 թվականի առաջին նստաշրջանի հերթական նիստը:
Օրակարգում ընդգրկված է եղել 31 նախագիծ։
Օրակարգի բոլոր նախագծերը նախօրոք քննարկվել էին ավագանու հանձնաժողովներում և ընդունվել են ձայների մեծամասնությամբ:
📽 Արթիկ հանայնքի ավագանու նիստերի առցանց հեռարձակումն Արթիկի համայնքապետարանի YouTube կայքում է` /Artik municipality-YouTube/:
|
|
|
20.03.25
Արթիկի համայնքապետարանը նախատեսում է անցկացնել <<Հայոց լեզուն սեր է>> խորագրով մրցույթ
|
|
📚🎓 Արթիկի համայնքապետարանը, կարևորելով դպրոցականների շրջանում մայրենի լեզվի նկատմամբ հետաքրքրության մեծացումը, գարնանային արձակուրդից հետո կրթամշակութային ծրագրերի համատեքստում նախատեսում է անցկացնել <<Հայոց լեզուն սեր է>> խորագրով մրցույթ, որին մասնակցելու են Արթիկ համայնքի հիմնական դպրոցների աշակերտական թիմերը:
📚🎓 Միջոցառման նպատակն է խթանել դպրոցականների հետաքրքրությունը մայրենի լեզվի նկատմամբ, նպաստել գրավոր և բանավոր խոսքի զարգացմանը, կարևորել հայոց լեզուն` որպես ազգային ինքնության առանցքային տարր:
🔍 Մանրամասների համար զանգահարել Արթիկի համայնքապետարանի հանդիսությունների կազմակերպիչ Գայանե Աղաքարյանին`
☎️ 077-67-11-03:
|
|
|
20.03.25
Քաղաքացիների ընդունելություն Արթիկ համայնքի ղեկավարի մոտ
|
|
📝️ Արթիկ համայնքի ղեկավար Անան Ոսկանյանի մոտ այսօր տեղի է ունեցել քաղաքացիների ընդունելություն` համայնքապետարանի աշխատակազմի պատասխանատուների մասնակցությամբ։
Քաղաքացիները համայնքի ղեկավարին են դիմել քաղաքաշինական և աշխատանքի տեղավորման հարցերով։
Համայնքի ղեկավարը լսել է ընդունելության եկած քաղաքացիներին. մի շարք հարցեր տեղում լուծում են ստացել, բարձրացված որոշ հարցերի ընթացք տալու համար համայնքի ղեկավարի հանձնարարությամբ ոլորտային պատասխանատուները կզբաղվեն լրացուցիչ։
|
|
|
19.03.25
️Արթիկ համայնքի մանկապարտեզների տնօրեններին մեթոդական օգնություն ցուցաբերելու նպատակով ՀՀ ՆԳՆ ՓԾ Շիրակի մարզի փրկարարական վարչության կողմից կազմակերվել է դասընթացը
|
|
🔸 ️Արթիկ համայնքի մանկապարտեզների տնօրեններին մեթոդական օգնություն ցուցաբերելու նպատակով համայնքապետարանում տեղի է ունեցել աղետների ռիսկերի կառավարման պլանների մշակման ՀՀ ՆԳՆ ՓԾ Շիրակի մարզի փրկարարական վարչության կազմակերպած դասընթացը:
🔸 ️Դասընթացը վարել է ՀՀ ՆԳՆ ՓԾ Շիրակի մարզի փրկարարական վարչության քաղաքացիական պաշտպանության բաժնի պետ փ/ծ փոխգնդապետ Լևոն Հովսեփյանը:
Աղետների ռիսկի կառավարման պլանի նպատակն է բարձրացնել նախադպրոցական ուսումնական հաստատություններում երեխաների և անձնակազի անվտանգության դիմակայունությունն արտակարգ իրավիճակներում։
|
|
|
18.03.25
Արթիկ համայնքի ղեկավար Անան Ոսկանյանն ընդունել է Բութանի թագավորության պատվիրակությանը
|
|
♻️Արթիկ համայնքի ղեկավար Անան Ոսկանյանն ընդունել է Բութանի թագավորության պատվիրակությանը։
Պատվիրակության անդամներն Արթիկ համայնք են ժամանել` <<Արթիկ քաղաքի փակված քարհանքի թափոնների և ջրհեղեղների կառավարում>> ծրագրի աշխատանքների արդյունքները դիտարկելու նպատակով։
♻️Համայնքի ղեկավարի գլխավորությամբ և աշխատակազմի պատասխանատուների մասնակցությամբ` տեղի է ունեցել աշխատանքային քննարկուն, որի ընթացքում համայնքի ղեկավարին է ներկայացվել տեղեկատվություն` համագործակցության և հետագա աշխատանքների կազմակերպման ընթացքի վերաբերյալ։
Համայնքի ղեկավարն իր խոսքում կարևորել է ցակացած ծրագրի իրագործումն Արթիկ համայնքում, որը կլինի արդյունավետ և կծառայի համայնքին։
|
|
|
17.03.25
<<Երկրի ժամը>> բնապահպանական շարժումն Արթիկ համայնքում
|
|
♻️💡Տեղեկացնում ենք Արթիկ համայնքի բնակչությանը, որ միանալով Բնության համաշխարհային հիմնադրամի` WWF-ի Հայաստանի մասնաճյուղի նախաձեռնությամբ 2008 թվականից ի վեր իրականացվող աշխարհի ամենամեծ բնապահպանական շարժմանը` <<Երկրի ժամին>>, մարտի 22-ին` ժամը 20:30-ից 21:30-ը, մեկ ժամով անջատվելու է Արթիկի համայնքապետարանի վարչական շենքի արտաքին լուսավորությունը։
♻️💡Աշխարհի
ամենամեծ բնապահպանական շարժմանը` <<Երկրի ժամին>>, մասնակցում է ավելի քան 190 երկիր և 7000 քաղաք` մեկ ժամով անջատելով տվյալ երկրում խորհրդանիշ համարվող շենքերի, շինությունների, ինչպես նաև քաղաքների և բնակավայրերի հիմնական փողոցների լուսավորությունը:
|
|
| 1 2 3 4 5 6 7 8 9 10 ... |