✅Օգոստոսի 18-ին, հաստատված կարգի համաձայն, Արթիկ համայնքի ղեկավար Անան Ոսկանյանի մոտ տեղի է ունեցել քաղաքացիների հերթական ընդունելությունը։
✅Ինչպես յուրաքանչյուր ընդունելությանը, այնպես էլ այս անգամ, ներկա են գտնվել ոլորտային պատասխանատուները, ովքեր անհրաժեշտության դեպքում քաղաքացիներին տրամադրել են մասնագիտական խորհրդատվություն: ✅Առաջացել են նաև լրացուցիչ քննարկման հարցեր, որոնք պետք է ուսումնասիրվեն համապատասխան ոլորտների պատասխանատուների կողմից՝ քաղաքացիներին հնարավոր արագ ժամկետում օգնելու համար:

Օգոստոսի 18-ին Արթիկ համայնքի ղեկավար Անան Ոսկանյանը, Արթիկի համայնքապետարանի աշխատակազմի քարտուղար Արա Սուքիասյանը, Արթիկի համայնքապետարանի աշխատակիցները Արթիկի Առաջնորդանիստ Սուրբ Գրիգոր Լուսավորիչ եկեղեցում մասնակցել են Հոգեհանգստյան կարգի՝ Երևանի <<Սուրմալու>> առևտրի կենտրոնում տեղի ունեցած պայթյունի զոհերի հիշատակին:
Հոգեհանգստյան Կարգը կատարվել է հանդիսապետությամբ Արթիկի Թեմի Առաջնորդական Տեղապահ Հոգեշնորհ Տեր Նարեկ Վարդապետ Ավագյանի ձեռամբ և մասնակցությամբ ողջ հոգևոր դասի:
Օգոստոսի 17-ին և 18-ին Հայաստանում սուգ է հայտարարվել՝ ի հիշատակ <<Սուրմալու>> առևտրի կենտրոնում տեղի ունեցած պայթյունի զոհերի:

📌Արթիկի համայնքապետարանը տեղեկացնում է, որ Հայաստանի Հանրապետության Շիրակի մարզի Արթիկ համայնքի Ս.Դավթի փողոցի
հիմնանորոգման հետ կապված՝ որպես տարանցիկ ճանապարհներ նախատեսված են Հայաստանի Հանրապետության Շիրակի մարզի Արթիկ համայնքի Գորկու, Շինարարների փողոցները, ինչպես նաև Ս.Դավթի փողոցի սկզբնամասը (զորամասի ցանկապատին հարող հատվածից Արթիկի մարզադաշտ տանող ճանապարհահատվածը)։
📌Շինարարների փողոցի ծանրաբեռնվածությամբ պայմանավորված՝ հայցում ենք համայնքի բնակիչների ներողամտությունը և հորդորում ենք առավել ուշադիր լինել երեխաներին փողոցի երթևեկելի հատվածը հատելիս։

Հայաստանում այսօր և վաղը սուգ է հայտարարված։
Օգոստոսի 14-ին «Սուրմալու» առևտրի կենտրոնի տարածքում տեղի ունեցած պայթյունի հետևանքով զոհվեց 16 մարդ, 2 քաղաքացի անհետ կորած է։
Որոնողափրկարարական աշխատանքները շարունակվում են։
Արթիկ համայնքի տարածքում խոնարհվել են պետական դրոշները, հետաձգվել են զվարճալի միջոցառումները։
Արթիկի համայնքապետարանը ցավակցում է զոհերի հարազատներին, իսկ վիրավորներին մաղթում է շուտափույթ ապաքինում։

✅Հայաստանի Հանրապետության կառավարության միջոցներով հիմնանորոգվում է Հոռոմ-Արթիկ-Ալագյազ հանրապետական նշանակության ճանապարհը։
✅Ներկա պահին ընթանում են աշխատանքներ Արթիկ համայնքի Արթիկ քաղաքում, որն ընդգրկում է 4.9 կիլոմետր հատված։ Այն ներառում է Ս.Դավթի, Ղարիբջանյան, Էստակադա, Բաղրամյան, Սակաձե, Գ.Նարեկացի փողոցները։
✅Ճանապարհահատվածի հիմնանորոգման ծրագրի շրջանակում հիմնանորոգվելու են նաև մայթերը։

🤼<<Արթիկի մարզահամալիր>> ՀՈԱԿ- ի սաները Շիրակի մարզի Հացիկ համայնքում օգոստոսի 13-ին և 14-ին մասնակցել են ազատ ոճի ըմբշամարտի բաց առաջնության՝ նվիրված զինվորական Աբաս Սլոյանի հիշատակին։
ՀՈԱԿ-ի սաներից առաջին պատվավոր տեղը գրավեց Դավիթ Բոթոյանը 48 կգ քաշային կարգում, երկրորդ տեղը զբաղեցրեց Գևորգ Մելքոնյանը՝ 45 կգ, իսկ երրորդ տեղը գրավեցին Տիգրան Ջնդոյանը՝ 51 կգ և Ցոլակ Սեդրակյանը՝ 60 կգ քաշային կարգերում։
🥇🥈🥉Հաղթողները ստացան մեդալներ և պատվոգրեր։