2021 թվականի դեկտեմբերի 5-ին <<Հայաստանի Հանրապետության վարչատարածքային բաժանման մասին օրենքում փոփոխություններ և լրացումներ կատարելու մասին>> ՀՀ օրենքի պահանջով ձևավորվեց Արթիկ համայնքը՝ իր մեջ ներառելով 24 բնակավայրեր՝ Արթիկ քաղաքը և 23 գյուղեր՝ Արևշատ, Գեղանիստ, Գետափ, Լեռնակերտ, Լուսակերտ, Հայկասար, Հայրենյաց, Հառիճ, Հոռոմ, Հովտաշեն, Մեծ Մանթաշ, Մեղրաշեն, Նահապետավան, Նոր Կյանք, Պեմզաշեն, Սարալանջ, Սարատակ, Սպանդարյան, Վարդաքար, Տուֆաշեն, Փանիկ, Փոքր Մանթաշ, Անուշավան:

Արթիկ համայնքի 2024թ. տարեկան աշխատանքային պլանի (ՏԱՊ-ի) մշակման հիմնական նպատակն է՝ ապահովել համայնքի ավագանու կողմից հաստատված համայնքի հնգամյա զարգացման ծրագրով (ՀՀԶԾ) սահմանված տեսլականի, ռազմավարության, ոլորտային նպատակների և ծրագրերի իրագործումը: Հիմք ունենալով համայնքի հնգամյա զարգացման ծրագիրը՝ ՏԱՊ-ն ուղղված է հստակեցնելու տարեկան կտրվածքով համայնքի զարգացմանն ուղղված ծրագրերը և միջոցառումները, դրանց իրականացման համար ներդրվող ռեսուրսներն ու ժամկետները: Որպես համայնքի տարեկան ծրագրային փաստաթուղթ՝ այն նպատակ ունի ներգրավել համայնքի ներքին և արտաքին ներդրողների հնարավորությունները՝ համայնքային խնդիրներն առավել արդյունավետ լուծելու գործում:

ՏԱՊ-ը բաղկացած է 5 բաժիններից, 1-ին բաժնում ներկայացված է` համայնքի տեսլականը, համայնքի կայուն զարգացման ցուցանիշները, ոլորտային նպատակները:

ՏԱՊ-ի 2-րդ բաժնում բերված են համայնքի 2024թ. համապատասխան ֆինանսական միջոցներով ապահովված ծրագրերիցանկը  և այդ ծրագրերի տրամաբանական հենքերը՝ ըստ համայնքի ղեկավարի լիազորությունների ոլորտների , ինչպես նաև այն ծրագրերի ցանկը, որոնք դեռևս ապահովված չեն համապատասխան ֆինանսական միջոցներով :

ՏԱՊ-ի 3-րդ բաժնում ներկայացված է` համայնքի սեփականություն հանդիսացող գույքի կառավարման 2024թ..ծրագիրը:

ՏԱՊ-ի 4-րդ բաժնում բերված է ՏԱՊ-ի ֆինանսավորման պլանը՝ ըստ համայնքի ղեկավարի լիազորությունների ոլորտների:

ՏԱՊ-ի 5-րդ բաժնում ներկայացված է`տեղեկատվություն ՏԱՊ-ում ներառված յուրաքանչյուր ոլորտային ծրագրի իրականացման արդյունքային ցուցանիշների մոնիթորինգի և գնահատման վերաբերյալ: