Ղեկավարվելով <<Տեղական ինքնակառավարման մասին>> օրենքի 18-րդ հոդվածի 1-ին մասի 4-րդ և 25-րդ կետերով և Հայաստանի Հանրապետության վարչապետի 2023 թվականի  հունվարի 26-ի N 86-Ա որոշման 1-ին կետով հաստատված ժամանակացույցի   25-րդ կետի դրույթներով՝ Հայաստանի Հանրապետության Շիրակի մարզի Արթիկ համայնքի ավագանին 

ՈՐՈՇՈՒՄ Է

1․ Տալ համաձայնություն՝ Հայաստանի Հանրապետության Շիրակի մարզի Արթիկ համայնքի Փանիկ վարչական շրջանի բնապահպանական հարկ վճարող <<ՎԱՐԱՆԴԱ>> սահմանափակ պատասխանատվությամբ ընկերության կողմից վճարված բնապահպանական հարկից մասհանվող գումարներով <<Փանիկ վարչական շրջանի երկրորդ փողոց շենք 2 բակի տարածքում բասկետբոլի, վոլեյբոլի և թենիսի գիշերային լուսավորության համակարգով փոքր խաղադաշտի կառուցում>> բնապահպանական ծրագրին՝ համաձայն հավելվածի:

2.Սահմանել,որ

1) Ծրագրի ընդհանուր արժեքը կազմում է 4523390 (չորս միլիոն հինգ հարյուր քսան երեք հազար երեք հարյուր իննսուն) Հայաստանի Հանրապետության դրամ, որից Արթիկ համայնքի ներդրումը կազմում է 753900 (յոթ հարյուր հիսուն երեք հազար ինը հարյուր) Հայաստանի Հանրապետության դրամ: 

2) Ծրագրի իրականացման հետ առնչվող այլ փաստաթղթերի ստորագրումը, դրանցից բխող գործառույթների կազմակերպումն իրականացնում է Հայաստանի Հանրապետության Շիրակի մարզ Արթիկ համայնքի ղեկավարը:

3.Սույն որոշումն ուժի մեջ է մտնում հրապարակման հաջորդող օրվանից: