ՆԱԽԱԳԻԾ

Ի կատարումն ՀՀ Շիրակի մարզպետի 07.01.2025թ. թիվ 4-Ա որոշման Հայաստանի Հանրապետության Շիրակի մարզի արտակարգ իրավիճակներում բնակչության պաշտպանության և քաղաքացիական պաշտպանության համակարգերի նախապատրաստման 2025 թվականի հիմնական միջոցառումների պլան»-ի 6-րդ կետի 3-րդ ենթակետի՝ սույն թվականի ապրիլի 23-ին Արթիկ համայնքի Մեծ Մանթաշ բնակավայրում իմ ղեկավարությամբ անցկացնել շտաբային ուսումնավարժություն «Բնակչության պաշտպանության միջոցառումների կազմակերպումը սելավների սպառնալիքի դեպքում» թեմայով:

ՈՒՍՈՒՄՆԱՎԱՐԺՈՒԹՅԱՆ ԿԱԶՄԱԿԵՐՊՄԱՆ և ԱՐԴՅՈՒՆԱՎԵՏ ԱՆՑԿԱՑՄԱՆ ՆՊԱՏԱԿՈՎ.

1. Նշանակել՝ Ուսումնավարժության ղեկավարի տեղակալ – Մեծ Մանթաշ գյուղի վարչական ղեկավար` Նարեկ Մկրտչյան

Ուսումնավարժության արդյունքների ամփոփման խմբի պետ – համայնքապետարանի աշխատակազմի քարտուղար` Արա Սուքիասյան

2. Ուսումնավարժությունում ընդգրկել՝ տարահանման հանձնաժողովը, կազմավորումների ղեկավարներին

3. ՈՒսումնավարժության ղեկավարի տեղակալին՝

1) մշակել և մինչև 14.04.2025թ. իմ հաստատմանը ներկայացնել ուսումնավարժության անցկացման փաստաթղթերի փաթեթը,

2) կազմակերպել ուսումնավարժության մասնակիցների նախապատրաստումը,

3) ուսումնավարժությանը պատրաստ լինելու մասին զեկուցել մինչև 22.04.2025թ.

4. Ուսումնավարժության մասնակիցներին` պատրաստ լինել զեկուցելու ուսումնավարժության ընթացքում կատարած միջոցառումների մասին

5. Սույն որոշումը ծանոթացնել ուսումնավարժության մասնակիցներին:

6. Սույն որոշման կատարման հսկողությունը վերապահում եմ ինձ: