ՆԱԽԱԳԻԾ

   Վարչական ակտի ընդունման համար հիմք է հանդիսացել Սուսաննա Ռաֆիկի Ալոյանի 2024 թվականի հոկտեմբերի 28-ի թիվ 5910 դիմումը՝ Հայաստանի Հանրապետության Շիրակի մարզի Արթիկ համայնքի Արթիկ քաղաքի Գայի փողոց 44 հասցեում գտնվող հողամասի սահմանները ճշտելու, նպատակային նշանակությունները համապատասխանեցնելու մասին: Հարցի քննարկման համար հիմք են հանդիսացել ըստ օրենքի ժառանգության իրավունքի վկայագիրը /սեղանամատյան 3055/, Հայաստանի Հանրապետության կադաստրի կոմիտեի կողմից տրված 24․06․2025 թվականի թիվ Կ-24062025-08-0214 կասեցման որոշումը: Տարածքի տեղազննումից և տեղագրական հանույթի վերաճշգրտումից պարզվել է, որ վերոհիշյալ հասցեում գտնվող հողամասի փաստացի զբաղեցրած հողամասի մակերեսը կազմում է 0․3 հա, ինչպես նաև տեղանքում առկա են քարտեզի անճշտություններ(շեղումներ),իրականում Հայաստանի Հանրապետության Շիրակի մարզի Արթիկ համայնքի Արթիկ քաղաքի Գայի փողոց 44 հասցեում գտնվող,08-002-0030-0008 կադաստրային ծածկագրով գույքային միավորը չի համադրվում բնակավայրերի ընդհանուր օգտագործման տարածքի հետ։ Վերոնշյալ անճշտությունը(համադրումը) սխալ քարտեզագրման արդյունք է, քանի որ շինությունը կառուցվել է 1980-ական թվականներին՝ մինչև տեղանքի քարտեզագրումը, և մինչ օրս փոփոխության կամ վերակառուցման չի ենթարկվել և հողամասը ամբողջությամբ պարսպապատ է : Քննարկվող հողամասը ընդգրկված չէ հողային օրենսգրքի 60-րդ հոդվածի սահմանափակումների ցանկում: Ղեկավարվելով <<Տեղական ինքնակառավարման մասին>> Հայաստանի Հանրապետության օրենքի 35-րդ հոդվածի 1-ին մասի 24-րդ կետով, Հայաստանի Հանրապետության կառավարության 2021 թվականի ապրիլի 29-ի 698-Ն որոշման 2-րդ հավելվածով սահմանված կարգի 42-րդ կետով

ՈՐՈՇՈՒՄ ԵՄ`

1. Հայաստանի Հանրապետության Շիրակի մարզի Արթիկ համայնքի ավագանու 2024 թվականի մարտի 20 թիվ 52-Ա որոշմամբ հաստատված Հայաստանի Հանրապետության Շիրակի Մարզի Արթիկ քաղաքի, Արթիկ համայնքի Լեռնակերտ,Հայկասար, Հայրենյաց,Պեմզաշեն, Տուֆաշեն բնակավայրերի միկրոռեգիոնալ մակարդակի Շիրակ-9 համակցված տարածական պլանավորման փաստաթղթերի գոտևորման նախագծի և Հայաստանի Հանրապետության կառավարության 29.04.2021 թվականի թիվ 698-Ն որոշման 2-րդ հավելվածով սահմանված կարգավորումների /42-րդ կետ/ համաձայն՝ Հայաստանի Հանրապետության Շիրակի մարզի Արթիկ համայնքի Արթիկ քաղաքի Գայի փողոց 44 հասցեում գտնվող, 0․3 հա մակերեսով, 08-002-0030-0008 կադաստրային ծածկագրով հողամասի նպատակային նշանակությունը համապատասխանեցնել և սահմանել արդյունաբերության, ընդերքօգտագործման և այլ արտադրական նպատակային նշանակության, գյուղատնտեսական արտադրական օբյեկտների գործառնական նշանակության :

2. Սույն որոշումը կարող է վարչական կարգով բողոքարկվել Հայաստանի Հանրապետության Շիրակի մարզի Արթիկ համայնքի ղեկավարին կամ դատական կարգով՝ Հայաստանի Հանրապետության վարչական դատարան՝ դրա ուժի մեջ մտնելուց հետո երկամսյա ժամկետում:

3. Որոշման կատարման հսկողությունը դնել Հայաստանի Հանրապետության Շիրակի մարզի Արթիկի համայնքապետարանի քաղաքաշինության և հողաշինության բաժնի պետի վրա: