Զեկ. ԱՐԿԱԴԻ ԳՐԻԳՈՐՅԱՆ

        Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի  1-ին մասի 21-րդ կետով,Հայաստանի Հանրապետության հողային օրենսգրքի 48-րդ հոդվածի 3-րդ, 4-րդ կետերով, 76-րդ հոդվածի 1-ին կետով, 94-րդ հոդվածի 6-րդ կետով, Հայաստանի Հանրապետության կառավարության 2001 թվականի ապրիլի 12-ի թիվ 286 որոշման  47-րդ, 49-րդ կետերով,63-րդ կետի բ ենթակետով և հիմք ընդունելով  Արթիկ  համայնքի սեփականություն հանդիսացող անշարժ գույքի նկատմամբ իրավունքների պետական գրանցման N 10072023-08-0012 վկայականը տրված 2023 թվականի հուլիսի 10-ին,  Հայաստանի Հանրապետության Շիրակի մարզի Արթիկհամայնքի ավագանին       

ՈՐՈՇՈՒՄ  Է`

1. Տալ համաձայնություն  Հայաստանի Հանրապետության Շիրակի մարզի Արթիկ համայնքի Տուֆաշեն գյուղի սեփականություն հանդիսացող գյուղատնտեսական հողերից 6,76287հա մակերեսով արոտավայրը /կադաստրային ծածկագիր 08-111-0104-0097/ մրցույթով` հրապարակային սակարկությունների միջոցով 25 տարի ժամկետով, գյուղատնտեսական գործունեությամբ զբաղվելու  նպատակով  վարձակալությամբ տրամադրելու առաջարկությանը:

2. Հողամասի վարձակալության վճարի մեկնարկային վարձավճարի գին սահմանել՝ 1հա-ի համար 2750(երկու հազար յոթ հարյուր հիսուն) Հայաստանի Հանրապետության դրամ:

3. Հողամասը հրապարակային սակարկությունների միջոցով վարձակալությամբ տրամադրելու նպատակով ստեղծել մրցութային հանձնաժողով համայնքի ղեկավարի գլխավորությամբ:

4.Սույն որոշումն ուժի մեջ է մտնում պաշտոնական հրապարակմանը հաջորդող օրվանից: