Համաձայն Հայաստանի Հանրապետության Շիրակի մարզի Արթիկ համայնքի եկամուտների կառավարման համակարգի տվյալների Հայաստանի Հանրապետության Շիրակի մարզի Արթիկ համայնքի, Արթիկ քաղաքի 08-002-0005-0013-001-022 կադաստրային ծածկագրերով անշարժ գույքը սեփականության իրավունքով պատկանում են «ՀԵՐԱՑԻ» սահմանափակ պատասխանատվությամբ ընկերությանը: «ՀԵՐԱՑԻ» սահմանափակ պատասխանատվությամբ ընկերության կողմից պատշաճ չի վճարվել նշված անշարժ գույքերի համար վճարման ենթակա անշարժ գույքի հարկը: Ինչի արդյունքում 30.06.2025թ. դրությամբ գոյացել է անշարժ գույքի հարկի գծով պարտք 63435 (վաթսուներեք հազար չորս հարյուր երեսունհինգ) Հայաստանի Հանրապետության դրամի չափով` ներառյալ օրենքով սահմանված կարգով հաշվարկված տույժերը: «Վարչարարության հիմունքների և վարչական վարույթի մասին» Հայաստանի Հանրապետության օրենքի 30-րդ հոդվածի 1-ին մասի ,,բ'' կետի հիմքով Հայաստանի Հանրապետության Շիրակի մարզի Արթիկի համայնքապետարանում 2025 թվականի հուլիսի 7-ին N 1002-Ա որոշմամբ հարուցված վարչական վարույթի շրջանակներում 2025 թվականի օգոստոսի 7-ին հրավիրվել են վարչական վարույթի լսումներ, որին մասնակցելու նպատակով պատշաճ ծանուցվել է «ՀԵՐԱՑԻ» սահմանափակ պատասխանատվությամբ ընկերությանը: Վերջինս ներկայացուցիչը չի ներկայացել վարչական վարույթի լսումներին և վարչական վարույթի լսումներն իրականացվել են պատշաճ ծանուցված «ՀԵՐԱՑԻ» սահմանափակ պատասխանատվությամբ ընկերության ներկայացուցչի բացակայությամբ: Միաժամանակ մինչև օրենքով սահմանված կարգով վարչական վարույթի լսումների անցկացումը «ՀԵՐԱՑԻ» սահմանափակ պատասխանատվությամբ ընկերության կողմից վճարվել է անշարժ գույքի հարկի գծով գոյացած պարտքն ամբողջությամբ: Ելնելով վերոգրյալից և ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24-րդ կետով և «Վարչարարության հիմունքների և վարչական վարույթի մասին Հայաստանի հանրապետության օրենքի» 50-րդ հոդվածի 2-րդ մասի «ա» կետով`
ՈՐՈՇՈՒՄ ԵՄ 1. «ՀԵՐԱՑԻ» սահմանափակ պատասխանատվությամբ ընկերության նկատմամբ Հայաստանի Հանրապետության Շիրակի մարզի Արթիկ համայնքի Արթիկ քաղաքի 08-002-0005-0013-001-022 կադաստրային ծածկագրով անշարժ գույքի հարկի գծով չվճարած հարկային պարտականությունների արդյունքում գոյացած պարտքի գանձման նպատակով 2025 թվականի հուլիսի 7-ին հարուցված N 1002-Ա վարչական վարույթը կարճել: 2. Որոշման օրինակը ուղարկել «ՇԻՐԱԿ» սահմանափակ պատասխանատվությամբ ընկերությանը: 3. Սույն որոշումն ուժի մեջ է մտնում «Վարչարարության հիմունքների և վարչական վարույթի մասին» ՀՀ օրենքի 59-րդ հոդվածով սահմանված կարգով իրազեկելուն հաջորդող օրվանից: 4. Սույն որոշումը կարող է բողոքարկվել «Վարչարարության հիմունքների և վարչական վարույթի մասին» Հայաստանի Հանրապետության օրենքի 70, 71 –րդ հոդվածներով սահմանված կարգով, ուժի մեջ մտնելու օրվանից 2 ամսյա ժամկետում: