Համաձայն Հայաստանի Հանրապետության Շիրակի մարզի Արթիկ համայնքի եկամուտների կառավարման համակարգի տվյալների «ԱՌԱՔԵԼՈՒԹՅՈՒՆ ՀԱՅԱՍՏԱՆ» բարեգործական հասարակական կազմակերպության կողմից պատշաճ չի վճարվել իրեն սեփականության իրավունքով պատկանող 08-002-0011-0002, 08-002-0011-0002-001 կադաստրային ծածկագրով անշարժ գույքերի համար սահմանված հարկը: Հարկային պարտավորությունները ոչ պատշաճ կատարելու արդյունքում գոյացել է անշարժ գույքի հարկի գծով պարտք 112374 (մեկ հարյուր տասներկու հազար երեք հարյուր յոթանասունչորս) Հայաստանի Հանրապետության դրամի չափով` 30.06.2025թ. դրությամբ, ներառյալ օրենքով սահմանված կարգով հաշվարկված տույժերը: Ելնելով վերոգրյալից և ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24-րդ կետով և 38-րդ հոդվածի 1-ին մասի 4-րդ կետով, «Վարչարարության հիմունքների և վարչական վարույթի մասին Հայաստանի հանրապետության օրենքի» 30-րդ հոդվածի 1-ին մասի բ/ ենթակետով և 34-րդ հոդվածով`

ՈՐՈՇՈՒՄ ԵՄ

1. «ԱՌԱՔԵԼՈՒԹՅՈՒՆ ՀԱՅԱՍՏԱՆ» բարեգործական հասարակական կազմակերպությանը սեփականության իրավունքով պատկանող 08-002-0011-0002, 08-002-0011-0002-001 կադաստրային ծածկագրով անշարժ գույքերի հարկի գծով չվճարած հարկային պարտավորությունների արդյունքում գոյացած պարտքի գանձման նպատակով հարուցել վարչական վարույթ:

2. Վարչական վարույթի հարուցման մասին իրազեկել «ԱՌԱՔԵԼՈՒԹՅՈՒՆ ՀԱՅԱՍՏԱՆ» բարեգործական հասարակական կազմակերպությանը: