Զեկ. ԷՄՄԱ ՅԱՅԼՈՅԱՆ

Ղեկավարվելով  «Տեղական ինքնակառավարման մասին» Հայաստանի Հանրապետության օրենքի  18-րդ հոդվածի 1-ին մասի 5-րդ կետով, 83-րդ հոդվածի 2-րդ մասով, 90 րդ հոդվածի 1-ին, 4-րդ և 6-րդ մասերով, «Հայաստանի Հանրապետության բյուջետային համակարգի մասին» Հայաստանի Հանրապետության օրենքի 29-րդ հոդվածի 1-ին, 4-րդ և 5-րդ մասերով, «Նորմատիվ իրավական ակտերի մասին»  Հայաստանի  Հանրապետության  օրենքի 33-րդ հոդվածի 1-ին մասի 1-ին  մասի  1-ին  կետով, 34-րդ  հոդվածի  1-ին, 2-րդ  և 3-րդ մասերով, Հայաստանի  Հանրապետության Շիրակի մարզի Արթիկ համայնքի ավագանին

Ո Ր Ո Շ Ո Ի Մ   Է՝

Հայաստանի Հանրապետության Շիրակի մարզի Արթիկ համայնքի ավագանու 2024 թվականի դեկտեմբերի  23-ի «Հայաստանի Հանրապետության Շիրակի մարզի Արթիկ համայնքի 2025 թվականի բյուջեն հաստատելու մասին» թիվ 245-Ն որոշման մեջ բյուջեի եկամտային և ծախսային մասերում կատարել հետևյալ փոփոխությունները.

1․ Եկամտային մաս

1)  «Պետական բյուջեից կապիտալ ծախսերի ֆինանսավորման նպատակային հատկացումներ (սուբվենցիաներ)» 1261 տողում գրված «233369000 երկու հարյուր երեսուներեք միլիոն երեք հարյուր վաթսունինը հազար» թիվը և բառերը փոխարինել «261522200 երկու հարյուր վաթսունմեկ միլիոն հինգ հարյուր քսաներկու հազար երկու հարյուր» թվով և բառերով:  /«Հայաստանի Հանրապետության Շիրակի մարզի Արթիկ համայնքի թվով 14 բնակավայրի ներհամայնքային ճանապարհների տուֆ քարով սալապատում /Մեղրաշեն բնակավայրի 4-րդ փողոցի և Լուսակերտ բնակավայրի 2-րդ փողոցի տուֆ քարով սալապատում/» սուբվենցիոն ծրագրի պետական բյուջեից համաֆինանսավորոմ՝ 65% - 28153200 /քսանութ միլիոն մեկ հարյուր հիսուներեք հազար երկու հարյուր/ Հայաստանի Հանրապետության դրամ։/

2) «Այլ դոտացիաներ» 1254 տողում գրված «0 զրո» թիվը և բառը փոխարինել «5840000 հինգ միլիոն ութ հարյուր քառասուն հազար» թվով և բառերով: /«Մթերատվության բարձրացման փորձնական» ծրագրի շրջանակում Հայաստանի Հանրապետության Շիրակի մարզի Արթիկ համայնքի կովերի արհեստական սերմնավորման միջոցով անասնագլխաքանակի ավելացման և տոհմային հատկանիշների բարելավման համար Հայաստանի Հանրապետության պետական բյուջեից սուբսիդիայի տրամադրում:/

2. Ծախսային մաս

1) Ճանապարհային տրանսպորտ բաժնի 04.5.1 դասակարգմամբ «Շենքերի և շինությունների կապիտալ վերանորոգում» (5113) հոդվածում գրված «553606335․70 հինգ հարյուր հիսուներեք միլիոն վեց հարյուր վեց հազար երեք հարյուր երեսունհինգ դրամ յոթանասուն լումա» թիվը և բառերը փոխարինել «581759535․70 հինգ հարյուր ութսունմեկ միլիոն յոթ հարյուր հիսունինը հազար հինգ հարյուր երեսունհինգ դրամ յոթանասուն լումա» թվով և բառերով: /«Հայաստանի Հանրապետության Շիրակի մարզի Արթիկ համայնքի թվով 14 բնակավայրի ներհամայնքային ճանապարհների տուֆ քարով սալապատում /Մեղրաշեն բնակավայրի 4-րդ փողոցի և Լուսակերտ բնակավայրի 2-րդ փողոցի տուֆ քարով սալապատում/» սուբվենցիոն ծրագրի պետական բյուջեից համաֆինանսավորոմ՝ 65% - 28153200 /քսանութ միլիոն մեկ հարյուր հիսուներեք հազար երկու հարյուր/ Հայաստանի Հանրապետության դրամ։/ 

2) Ջրամատակարարում բաժնի 06․3․1 դասակարգմամբ «Նախագծահետազոտական ծախսեր» (5134) հոդվածում գրված «1077000 մեկ միլիոն յոթանասունյոթ հազար» թիվը և բառերը փոխարինել «1557000 մեկ միլիոն հինգ հարյուր հիսունյոթ հազար» թվով և բառերով։ /Արթիկ քաղաքի թիվ 3 գերեզմանատուն տանող ճանապարհին կից խցանված կոյուղագծերի և դիդահորերի փոխարինման, Արթիկ քաղաքի Սասունցի Դավիթ 19 հասցեում  խցանված կոյուղագծերի և դիդահորերի կառուցման և «Արթիկի թիվ 1 մանկապարտեզ» համայնքային ոչ առևտրային կազմակերպության շենքի տարածքի խցանված կոյուղագծերի և դիդահորերի փոխարինման աշխատանքների կատարման նախագծանախահաշվային փաստաթղթերի մշակման խորհրդատվական ծառայություններ - 480000/չորս հարյուր ութսուն հազար/ Հայաստանի Հանրապետության դրամ/։

3) Աղբահանում բաժնի 05․1․1 դասակարգմամբ

ա/ «Այլ մեքենաներ և սարքավորումներ» (5129) հոդվածում գրված «0 զրո» թիվը և բառը փոխարինել «28380000 քսանութ միլիոն երեք հարյուր ութսուն հազար» թվով և բառերով։ /Արթիկ համայնքի կարիքների համար մետաղական աղբարկղերի ձեռք բերում՝ 200 (երկու հարյուր) աղբարկղ/։

բ/ «Տրանսպորտային սարքավորումներ» (5121) հոդվածում գրված «0 զրո» թիվը և բառը փոխարինել «66960000 վաթսունվեց միլիոն ինը հարյուր վաթսուն հազար» թվով և բառերով։ /Արթիկ համայնքի կարիքների համար աղբատար մեքենաների ձեռք բերում՝ 2 (երկու) մեքենա/։

4) Նավթամթերք և բնական գազ բաժնի 04․3․2 դասակարգմամբ «Շենքերի և շինությունների կառուցում» (5112) հոդվածում գրված «740000 յոթ հարյուր քառասուն հազար» թիվը և բառերը փոխարինել «23367400 քսաներեք միլիոն երեք հարյուր վաթսունյոթ հազար չորս հարյուր» թվով և բառերով»։ /«Հայաստանի Հանրապետության Շիրակի մարզի Արթիկ համայնքի Գեղանիստ և Արևշատ բնակավայրերի փողոցների և նրբանցքների գազաֆիկացում» սուբվենցիոն ծրագրի համայնքի բյուջեից հատկացում 53%՝ 22627400 /քսաներկու միլիոն վեց հարյուր քսանյոթ հազար չորս հարյուր/ Հայաստանի Հանրապետության դրամ/։

5) Ընդհանուր բնույթի հանրային ծառայություններ /այլ դասերին չպատկանող/ բաժնի 01․6․1 դասակարգմամբ

ա/«Մասնագիտական ծառայություններ» 4241 հոդվածում գրված «25000000 քսանհինգ միլիոն» թիվը և բառերը փոխարինել «28000000 քսանութ միլիոն» թվով և բառերով։ /Հայաստանի Հանրապետության Շիրակի մարզի Արթիկ համայնքին պատկանող անշարժ գույքի գնահատումների իրականացման ծառայություն` 3000000/երեք միլիոն/Հայաստանի Հանրապետության դրամ/: 

բ/ «Այլ ընթացիկ դրամաշնորհներ» (4639) հոդվածում գրված «5024000 հինգ միլիոն քսանչորս հազար» թիվը և բառերը փոխարինել «6222000 վեց միլիոն երկու հարյուր քսաներկու հազար» թվով և բառերով: /«Տեղական դերակատարների հզորացում գյուղական համայնքներում հանուն կայուն սոցիալական փոփոխությունների» ծրագրի համաֆինանսավորման գումար՝ 1198000 (մեկ միլիոն մեկ հարյուր իննսունութ հազար) ՀՀ դրամ, /ծրագրի ներդրում Հայաստանի Հանրապետության Շիրակի մարզի Արթիկ համայնքի Վարդաքար, Տուֆաշեն, Նահապետավան և Նոր Կյանք բնակավայրերում//։

6) Օրենսդիր և գործադիր մարմիններ, պետական կառավարում 01․1․1 դասակարգմամբ «Նախագծահետազոտական ծախսեր» 5134 հոդվածում գրված «0 զրո» թիվը և բառը փոխարինել «496000 չորս հարյուր իննսունվեց հազար» թվով և բառերով։ /«Արթիկ համայնքի Նոր Կյանք և Հոռոմ բնակավայրերի վարչական շենքերի սանհանգույցների վերանորոգման շինարարական աշխատանքների կատարման նախագծանախահաշվային փաստաթղթերի մշակման խորհրդատվական ծառայություններ»՝ 298000 /երկու հարյուր իինսունութ հազար/ Հայաստանի Հանրապետության դրամ, «Արթիկ համայնքի Վարդաքար բնակավայրի վարչական շենքի երկրորդ հարկի միջանցքի և և մեկ սենյակի վերանորոգման, Հոռոմ և Հայրենյաց բնակավայրերի մեծահասակների համար նախատեսված խաղասենյակների վերանորոգման շինարարական աշխատանքների կատարման նախահաշվային փաստաթղթերի մշակման խորհրդատվատական ծառայություններ»՝ 198000 /մեկ հարյուր իննսունութ հազար/ Հայաստանի Հանրապետության դրամ:/

7) Գյուղատնտեսություն բաժնի 04.2.1 դասակարգմամբ «Մասնագիտական ծառայություններ» (4241) հոդվածում գրված «0 զրո» թիվը և բառը փոխարինել «5840000 հինգ միլիոն ութ հարյուր քառասուն հազար» թվով և բառերով: /«Մթերատվության բարձրացման փորձնական» ծրագրի շրջանակում Հայաստանի Հանրապետության Շիրակի մարզի Արթիկ համայնքի կովերի արհեստական սերմնավորման միջոցով անասնագլխաքանակի ավելացման և տոհմային հատկանիշների բարելավման համար Հայաստանի Հանրապետության պետական բյուջեից սուբսիդիայի տրամադրում:/

8) Արտադպրոցական դաստիարակություն բաժնի 09.5.1 դասակարգմամբ «Սուբսիդիաներ ոչ-ֆինանսական պետական (համայնքային) կազմակերպություններին» (4511) հոդվածում գրված «332225000 երեք հարյուր երեսուներկու միլիոն երկու հարյուր քսանհինգ հազար» թիվը և բառերը փոխարինել «335025000 երեք հարյուր երեսունհինգ միլիոն քսանհինգ հազար» թվով և բառերով: Այդ թվում «Արթիկի ֆուտբոլի դպրոց» համայնքային ոչ առևտրային կազմակերպություն տողի «Սուբսիդիաներ ոչ-ֆինանսական պետական (համայնքային) կազմակերպություններին» (4511) հոդվածում գրված «28787000 քսանութ միլիոն յոթ հարյուր ութսունյոթ հազար» թիվը և բառերը փոխարինել «31587000 երեսունմեկ միլիոն հինգ հարյուր ութսունյոթ հազար» թվով և բառերով:

9)Հայաստանի Հանրապետության համայնքների պահուստային ֆոնդ բաժնի 11.1.2 դասակարգմամբ «Պահուստային միջոցներ» (4891) հոդվածում գրված «471411200 չորս հարյուր յոթանասունմեկ միլիոն չորս հարյուր տասնմեկ հազար երկու հարյուր» թիվը և բառերը փոխարինել «345469800 երեք հարյուր քառասունհինգ միլիոն չորս հարյուր վաթսունինը հազար ութ հարյուր» թվով և բառերով: 

10) Համայնքի վարչական բյուջեի պահուստային ֆոնդից «118943400 մեկ հարյուր տասնութ միլիոն ինը հարյուր քառասուներեք հազար չորս հարյուր» Հայաստանի   Հանրապետության դրամ հատկացնել համայնքի ֆոնդային բյուջե։