Զեկ. ԱՐԿԱԴԻ ԳՐԻԳՈՐՅԱՆ

Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21-րդ կետով, Հայաստանի Հանրապետության հողային օրենսգրքի 481-րդ հոդվածի 5-րդ և 6-րդ մասերով, Հայաստանի Հանրապետության կառավարության 2001 թվականի ապրիլի 12-ի թիվ 286 որոշման 46.2 կետով, հիմք ընդունելով համայնքի ղեկավարի առաջարկությունը, 2025 թվականի սեպտեմբերի 8-ի անշարժ գույքի նկատմամբ իրավունքների պետական գրանցման N08092025-08-0020 վկայականը և հաշվի առնելով, որ հողամասն ընդգրկված է Հայաստանի Հանրապետության հողային օրենսգրքի 60-րդ հոդվածով սահմանված հողամասերի ցանկում, Հայաստանի Հանրապետության Շիրակի մարզի Արթիկ համայնքի ավագանին

ՈՐՈՇՈՒՄ Է` 1.Տալ համաձայնություն Հայաստանի Հանրապետություն Շիրակի մարզ Արթիկ համայնք Արթիկ քաղաք Անկախության փողոց 27/1 հողամաս հասցեում գտնվող, Հայաստանի Հանրապետության Շիրակի մարզի Արթիկ համայնքի սեփականություն հանդիսացող, 2025 թվականի սեպտեմբերի 8-ի անշարժ գույքի նկատմամբ իրավունքների պետական գրանցման N08092025-08-0020 վկայականով փաստագրված, 0,00372հա մակերեսով, բնակավայրերի նպատակային նշանակության, հասարակական կառուցապատման գործառնական նշանակության հողատարածքը 10(տաս) տարի ժամանակով կառուցապատման իրավունքով տրամադրելու առաջարկությանը: 2.Տարեկան կառուցապատման իրավունքի վարձավճար սահմանել 115000 (հարյուր տասնհինգ հազար) Հայաստանի Հանրապետության դրամ: 3.Հողամասը հրապարակային սակարկությունների միջոցով, կառուցապատման իրավունքով տրամադրել համայնքի ղեկավարի գլխավորությամբ ստեղծված մրցութային հանձնաժողովով: 4.Սույն որոշումն ուժի մեջ է մտնում պաշտոնական հրապարակման օրվան հաջորդող օրվանից: