Ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 16-րդ և 24-րդ կետով, Հայաստանի Հանրապետության հողային օրենսգրքի 13-րդ հոդվածի 6-րդ մասի, 81-րդ հոդվածի 3-րդ մասի, Հայաստանի Հանրապետության կառավարության 2001 թվականի ապրիլի 12-ի N 286 որոշմամբ հաստատված «Պետական և համայնքային սեփականություն հանդիսացող հողամասերի տրամադրման կարգի» 44-րդ կետի «ը» ենթակետի դրույթներով և հիմք ընդունելով Հայաստանի Հանրապետության էներգետիկայի և բնական պաշարների նախարարության կողմից «ՄՈՒՐԱԴՅԱՆՍ» սահմանափակ պատասխանատվության ընկերությանը տրամադրված օգտակար հանածոյի արդյունահանման ՇԱԹ-29/737 թույլտվությունը, 2024 թվականի մայիսի 22-ի N Պ-737 ընդերքօգտագործման պայմանագիրը և N Լ-737 լեռնհատկացման ակտը և հիմք ընդունելով Հայաստանի Հանրապետության Շիրակի մարզի Արթիկ համայնքի ավագանու 2025 թվականի մարտի 21-ի թիվ 45-Ա որոշումը

ՈՐՈՇՈՒՄ ԵՄ`

1․ Հայաստանի Հանրապետության Շիրակի մարզի Արթիկ համայնքի Հառիճ գյուղի վարչական տարածքում գտնվող արդյունաբերության, ընդերքօգտագործման և այլ արտադրական նշանակության օբյեկտների նպատակային նշանակության, ընդերքի օգտագործման համար տրամադրված հողամասերի գործառնական նշանակության, 08-063-0103-0017կադաստրային ծածկագրով, 6,24556 հեկտար հողամասը/անշարժ գույքի նկատմամբ իրավունքների պետական գրանցման վկայական՝ №12032025-08-0042/ տուֆ քարի արդյունահանում կազմակերպելու նպատակով, 624556/վեց հարյուր քսանչորս հազար հինգ հարյուր հիսունվեց/ Հայաստանի Հանրապետության դրամ տարեկան վարձավճարով, մինչև Հայաստանի Հանրապետության տարածքային կառավարման և ենթակառուցվածքների նախարարի կողմից տրված օգտակար հանածոյի արդյունահանման թույլտվության ավարտը՝ 2044 թվականի մայիսի 22-ը, տրամադրել «ՄՈՒՐԱԴՅԱՆՍ» սահմանափակ պատասխանատվության ընկերությանը:

2․Հայաստանի Հանրապետության օրենսդրությամբ սահմանված կարգով վերջինիս հետ կնքել հողամասի վարձակալության պայմանագիր :

3․Պարտավորեցնել վարձակալին ՝ վարձակալության պայմանագրից ծագող իրավունքները սահմանված կարգով և ժամկետում ենթարկել պետական գրանցման :

4․Սույն որոշումն օրինական ուժի մեջ է մտնում օրենքով սահմանված կարգով իրազեկելու օրվան հաջորդող օրվանից: