Արթիկ համայնքի բնակիչ Աղանիկ Ալոյանը Բաղրամյան փողոցի 10/11 հասցեում սեփականության իրավունքով իրեն պատկանող 810քմ մակերեսով հողամասում մանկական սրճարան, խանութ և ատրակցիոն խաղերի հրապարակ կառուցելու նպատակով հայտ է ներկայացրել համայնքապետարան նախագծման թույլտվություն ստանալու համար: Հայտատուն ցանկություն ունի կառուցելու 280քմ մակերեսով երկհարկանի շինություն:
Սակայն գործող ՀՀ շինարարական նորմերի` գյուղական և քաղաքային բնակավայրերի կառուցապատման և հատակագծման 30-01-2014 նորմերի 193-րդ կետի պահանջներով հաճախորդների սպասարկման, ատրակցիոնների և զբոսայգու շահագործման համար նախատեսված կառույցների ընդհանուր մակերեսը չպետք է գերազանցի այգու մակերեսի 7%-ի սահմանը:
Նշված շին. նորմերի պահանջից ելնելով և ղեկավարվելով <<Տեղական ինքնակառավարման մասին>> ՀՀ օրենքի 42-րդ հոդվածի 6-րդ կետով
ՈՐՈՇՈՒՄ ԵՄ`
- Մերժել Արթիկ համայնքի բնակիչ Աղանիկ Ալոյանի հայտը` 280քմ մակերեսով շինություն կառուցելու նախագծման թույլտվություն ստանալու համար:
- Առաջարկել Աղանիկ Ալոյանին ներկայացնել նոր հայտ` նշված նորմաների պահանջներին համապատասխան: