Ինչպես տեղեկացրել էինք մեր նախորդ հրապարակումներում, 2020 թվականին նախատեսվում էր Արթիկ համայնքի Շինարարների փողոցի հիմնանորոգման աշխատանքների մեկնարկը: Տեղական իշխանությունների համար  Շինարարների փողոցի  հիմնանորոգումը խիստ հրատապ և  օրակարգային խնդիրների ցանկում էր: Փողոցով երթևեկությունը դարձել էր գրեթե անհնարին ճանապարհի բետոնե սալերի խիստ մաշվածության պատճառով: Ավելի քան  3000 բնակիչ ունեցող  թաղամասի սպասարկող Շինանարներ  փողոցի հիմնանորոգումը  ֆինանսավորվում է ՀՀ տարածքային կառավարման և ենթակառուցվածքների նախարարության  կողմից:  78 919 115 ՀՀ դրամ  արժողությամբ ծրագրի մեկնարկը տրվեց օրերս, որի շրջնակներում բարեկարգվելու է  փողոցի 420 մ երկարությամբ և 8.5 մլայնությամբ, և դեպի 5-րդ դպրոց տանող  190 մ երկարությամբ և 6.5 մ լայնությամբ ճանապարհահատվածը ու  այդ հատվածներին հարող մայթերը: Շինարարների փողոցում այս օրերին աշխատատում է ծանր տեխնիկա՝ հողային աշխատանքներ իրականացնելու համար, որին կհաջորդեն   փողոցի հիմնանորոգման և ասֆալտապատման աշխատանքները: