ՀՀ Շիրակի մարզի Արթիկ համայնքի ղեկավար Մ. Վարագյանս, ՀՀ վարչական իրավախախտումների վերաբերյալ օրենսգրքի 219.1 հոդվածի կարգով, <<Տեղական ինքնակառավարման մասին >> ՀՀ օրենքի 35–րդ հոդվածի 1-ին կետի 26-րդ ենթակետով սահմանված իմ լիազորությունների շրջանակում 2017թ.-ի մայիսի 5-ին դռնբաց վարույթի ընթացքում, քննելով Ոստիկանության Արթիկի բաժնի կողմից ներկայացված եզրակացությունը, համայնքապետարանի քաղաքաշինության, հողօգտագործման և կոմունալ տնտեսության բաժնի պետ Գ. Հովհաննիսյանի, նույն բաժնի գլխավոր մասնագետ Վ. Գրիգորյանի կողմից կազմված ՍամվելՂուլուջօղլյանի կողմից օրենսգրքի 154-րդ հոդվածով նախատեսված վարչական իրավախախտում կատարելու վերաբերյալ արձանագրությունը.
Պարզեցի
2017թ.-ի ապրիլի 7-ին Ոստիկանության համապատասխան աշխատակիցների կողմից բացահայտվել և տեղում արձանագրվել է, որ քաղաքացի Սամվել Ղուլուջօղլյանը ք. Արթիկ Շիրակացի փողոց 2/1 հասցեում գտնվող սեփականության իրավունքով իրեն պատկանող հողատարածքում առանց շին. թույլտվության ինքնակամ շինարարական աշխատանքներ է իրականացրել, այսինքն կատարել է վարչական իրավախախտում, որը նախատեսված է ՎԻՎ օրենսգրքի 154-րդ հոդվածի 1-ին կետի 1-ին պարբերությամբ:
2017թ.-ի մայիսի 5-ին նշանակված վարչական վարույթը լրացուցիչ տեղեկություններ ու փաստաթղթեր ձեռք բերելու անհրաժեշտությունից ելնելով` Արթիկ համայնքի ղեկավարի 05.05.2017թ. <<Վարչական իրավախախտման վերաբերյալ գործի վարույթի ժամկետը երկարաձգելու մասին>> թիվ 130-Ա որոշմամբ երկարաձգվել էր 10 օրով, որը վերսկսվեց 2017թ. մայիսի 15-ին, որի մասին պատշաճ ծանուցվել էին կողմերը:
Ծանուցագրի պատճենը կցվում է.
Քաղաքացի Սամվել Ղուլուջօղլյանն ստացել է Ոստիկանության եզրակացությունը և արձանագրությունը, գրավոր առարկություններ չի ներկայացրել,սակայն վարույթի ընթացքում հայտնել է, որ զղջացել է իր կատարածի համար, իր միջոցներով տարածքը բերել է նախկին տեսքին, դիմել է համայնքապետարան շին. թույտվություն ստանալու համար: Խնդրել է իր նկատմամբ չկիրառել վարչական տուգանք, քանի որ գտնվում է նյութական ծանր վիճակում:
Ի նկատի ունենալով վերոգրյալն ամբողջությամբ հաստատված եմ համարում, որ Սամվել Ղուլուջօղլյանը թույլ է տվել վարչական իրավախախտում, որը նախատեսված է օրենսգրքի 154-րդ հոդվածի 1-ին կետի 1-ին պարբերությամբ:
Միաժամանակ նկատի ունենալով Ս. Ղուլուջօղլյանի կողմից զղջալը, կատարված ապօրինի շինարարության հետևանքները կամովին վերացնելը, որպիսի պայմաններում վարչական իրավախախտումը կորցրել է իր նշանակությունը, շին. թույլտվություն ստանալու համար դիմում է ներկայացրել ինչպես նաև գտնվում է նյութական ծանր պայմաններում, ղեկավարվելով <<Վարչական իրավախախտումների վերաբերյալ>> ՀՀ օրենքի 282,283 հոդվածներով
Որոշում եմ
1. Քաղաքացի Սամվել Վանիչկայի Ղուլուջօղլյանին հայտարարել բանավոր դիտողություն և գործի վարույթը կարճել:
2. Որոշման օրինակը երեք օրվա ընթացքում ուղարկել Սամվել Ղուլուջօղլյանին:
3. Սույն որոշումն ուժի մեջ է մտնում Ս. Ղուլուջօղլյանին պատշաճ իրազեկելու պահից: