ՆԱԽԱԳԻԾ

      Հարցի քննարկման համար հիմք է հանդիսացել Արթիկ համայնքի բնակիչ  Սեդա Ենոքի Ֆռանգյանի (ծնված 08 փետրվարի 1940 թվական) 25 փետրվարի 2020 թվականի N 431 դիմումը:

     Արթիկ քաղաքի Պլեխանովի փողոց 2 հասցեում գտնվող 08-002-0014- կադաստրային ծածկագրով հողամասի մակերեսը փաստացի կազմում է  0,06259հա, որից 0,0600 հա մակերեսով հողամասը Սեդա Ենոքի Ֆռանգյանին ըստ օրենքի ժառանգության իրավունքով պատկանող հողամասն է: ժառանգության իրավունքով ձեռք բերած հողամասին կից օգտագործվող 0,00259 հա մակերեսով հողամասը օրենքի ուժով կարող է փոխանցվել անհատույց սեփականության իրավունքով:

   Հաշվի առնելով, որ բնակելի տունը կառուցվել է մինչև 2001 թվականը, /ըստ օրենքի 25 փետրվարի 2020 թվականի ժառանգության իրավունքի վկայագիր գրանցամատյան 719/ Սեդա Ենոքի Ֆռանգյանի բնակելի տան զբաղեցրած և դրա սպասարկման համար անհրաժեշտ հողամասը ընդգրկված չէ Հայաստանի Հանրապետության հողային օրենսգրքի 60-րդ հոդվածով նախատեսված հողամասերի ցանկում, Հայաստանի Հանրապետության օրենքով, <<Նորմատիվ իրավական ակտերի մասին>>  Հայաստանի Հանրապետության օրենքի 37-րդ հոդվածի 1-ին  մասով, ղեկավարվելով Հայաստանի Հանրապետության կառավարության 2005 թվականի դեկտեմբերի 29-ի թիվ 2387-Ն որոշմամբ հաստատված Հայաստանի Հանրապետության քաղաքային և գյուղական բնակավայրերում ներբնակավայրային աշխարհագրական օբյեկտների անվանակոչման,  անվանափոխման, անշարժ գույքի` ըստ դրա գտնվելու և (կամ) տեղակայման վայրի համարակալման, հասցեավորման ու հասցեների պետական գրանցման կարգի  28-րդ կետով, 29-րդ կետի դ) և 53-րդ կետի բ) ենթակետով                        

                                                                                                                  ՈՐՈՇՈՒՄ ԵՄ` 

     1.Ուժը կորցրած ճանաչել Հայաստանի Հանրապետություն Շիրակի մարզի Արթիկ համայնքի ղեկավարի 15 մարտի 2019 թվականի <<Հայաստանի Հանրապետության Շիրակի մարզի Արթիկ  համայնքի Թումանյան  փողոց 11/1  հասցեի  բնակելի  տանը  կից  հողամասի  և  շենք-շինություններինկատմամբ Սեդա Ենոքի Ֆռանգյանի գույքային իրավունքները  վերականգնելու մասին>> N 90-Ա որոշումը:

     2.Արթիկ քաղաքի Պլեխանովի փողոց 2 հասցեում գտնվող բնակելի տանը տրամադրել  հասցե՝ Հայաստանի Հանրապետություն  Շիրակի մարզ,  Արթիկ համայնք, Թումանյան փողոց 11/1:         

     3.Վերականգնել Հայաստանի Հանրապետություն Շիրակի մարզի Արթիկ համայնքի Թումանյան փողոց 11/1 հասցեում գտնվող գույքային միավորների նկատմամբ Սեդա Ենոքի Ֆռանգյանի հողօգտագործման իրավունքը՝ բնակելի տան զբաղեցրած  և սպասարկման համար անհրաժեշտ ըստ օրենքի ժառանգության իրավունքով ձեռք բերված 0,0600 հա մակերեսով հողամասին կից օգտագործվող 0,00259 հա մակերեսով հողամասի չափով` ճանաչելով նրա սեփականության իրավունքը 0,06259 հա մակերեսով հողամասի նկատմամբ:

    4.Հողամասի սահմանները որոշվում են Արթիկ համայնքի ղեկավարի կողմից հաստատված հատակագծով:

    5.Որոշման կատարման հսկողությունը դնել համայնքապետարանի քաղաքաշինության, հողօգտագործման և կոմունալ  տնտեսության բաժնի պետ` Սուրիկ Տեր-Կարապետյանի վրա:

     6.Սույն որոշումն ուժի մեջ է մտնում քաղաքացուն օրենքով սահմանված կարգով իրազեկելու հաջորդող օրվանից: