Համայնքի ղեկավարին դիմել է քաղաքացի Սամվել Ցոլակի Վարդանյանը սեփականության իրավունքով իրեն պատկանող հողամասի ճշտված սահմաններով գլխավոր հատակագիծը հաստատելու խնդրանքով: Հայաստանի Հանրապետության Շիրակի մարզի Արթիկ համայնքի Լեռնակերտ գյուղում գտնվող, 08-046-0067-0003 կադաստրային ծածկագրով անշարժ գույքի տեղազննման, փաստացի չափագրման և փաստաթղթերի ուսումնասիրման արդյունքում պարզվել է, որ վկայականում թյուրիմացաբար չի արտացոլվել շինությունների տվյալները: Փաստացի չափագրումներից պարզ է դարձել, որ հողամասի փաստացի մակերեսը կազմում է 0,35000 հեկտար: Կան հողամասի երկրաչափական տեսքի և անշարժ գույքի տեղակայման անհամապատասխանություններ գործող էլեկտրոնային քարտեզում: Քննարկվող հողամասը ընդգրկված չէ հողային օրենսգրքի 60-րդ հոդվածի սահմանափակումների ցանկում:

   Ղեկավարվելով <<Տեղական ինքնակառավարման մասին>> Հայաստանի Հանրապետության օրենքի 35-րդ հոդվածի 1-ին մասի 24-րդ կետով, հողային օրենսգրքի 43-րդ հոդվածի 1-ին մասի 3-րդ կետով, Հայաստանի Հանրապետության կառավարության 2021 թվականի ապրիլի 29-ի 698-Ն որոշման 2-րդ հավելվածով սահմանված կարգի 35-րդ կետի 2-րդ ենթակետով, հիմք ընդունելով 2025 թվականի հոկտեմբերի 23-ի գույքի առանձին որակական քանակական բնութագրերի և դրա նկատմամբ առանձին իրավունքների(սահմանափակումների) վերաբերյալ թիվ ԱՏ-23102025-08-1165 տեղեկանքը

ՈՐՈՇՈՒՄ ԵՄ`

1.Հաստատել Հայաստանի Հանրապետության Շիրակի մարզի Արթիկ համայնքի Լեռնակերտ գյուղում գտնվող, Սամվել Ցոլակի Վարդանյանին(ծնված՝ 1956 թվականի հունվարի 25-ին) պատկանող, 08-046-0067-0003 կադաստրային ծածկագրով հողամասի գլխավոր հատակագիծը համաձայն համապատասխան որակավորման վկայական ունեցող անձի կողմից ներկայացված և սահմանված կարգով հաստատված հողամասի հատակագծի (գծային չափերի, մակերեսի և երկրաչափական տեսքի):

2. Սույն որոշումը ներկայացնել Հայաստանի Հանրապետության անշարժ գույքի կադաստրի պետական կոմիտեի անշարժ գույքի գրանցման միասնական ստորաբաժանում` գույքային իրավունքների պետական գրանցում կատարելու համար:

3.Սույն որոշումն ուժի մեջ է մտնում օրենքով սահմանված կարգով իրազեկելու օրվան հաջորդող օրվանից: