Ղեկավարվելով«Տեղական ինքնակառավարման մասին»Հայաստանի Հանրապետոության օրենքի 18-րդ հոդվածի 1-ին մասի 21-րդ կետով, Հայաստանի Հանրապետության քաղաքացիական օրենսգրքի 693-րդ հոդվածի 2-րդ մասովև հիմք ընդունելով Արթիկի համայնքապետարանի և «Առաքելություն Հայաստան» բարեգործական հասարակական կազմակերպության միջև 2005թվականի հոկտեմբերի 18-ին կնքված անշարժ գույքիանհատույցօգտագործման տրամադրման մասին պայմանագիրը Հայաստանի Հանրապետության Շիրակի մարզի Արթիկ համայնքի ավագանին ՈՐՈՇՈՒՄ Է`
Տալ համաձայնություն «Առաքելություն Հայաստան» բարեգործական հասարակական կազմակերպությանը անհատույց օգտագործման իրավունքով տրամադրված (հիմք՝ վկայական թիվ 1272959, տրված կառավարությանն առընթեր անշարժ գույքի կադաստրի պետական կոմիտեի կողմից 2005թվականի նոյեմբերի 7-ի) Արթիկ համայնքի Շինարարների փողոց թիվ 7 հասցեում գտնվող մսուր մանկապարտեզի արևմտյան մասնաշենքի 130.0քմ մակերեսով տարածքը «Առաքելություն Հայաստան» բարեգործական հասարակական կազմակերպության կողմից «Ընտանիք և համայնք» բարեգործական հասարակական կազմակերպությանն անհատույց օգտագործման իրավունքով հանձնելու վերաբերյալ՝ ընտանիքների և երեխաների աջակցության կենտրոն օգտագործելու նպատակով: |