Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդված 1-ին մասի 21-րդ կետի, Հայաստանի Հանրապետության կառավարության 2006 թվականի մայիսի 18- ի N 912-Ն որոշմամբ հաստատված «Ինքնակամ կառույցների օրինականացման և տնօրինման կարգի» 39-րդ կետի դրույթներով և հաշվի առնելով, որ ինքնակամ շինությունն իրականացրած քաղաքացի Մերուժան Քաջբերունու Հարեյանը, իր դիմումով, ընդունել է Հայաստանի
Հանրապետության օրենսդրությամբ սահմանված կարգով օրինական ճանաչված և համայնքի սեփականությունը համարված 0,0108հեկտար արտաքին մակերեսով բնակելի նշանակության տնտեսական շինությունը և նրա պահպանման ու սպասարկման համար նախատեսված Հայաստանի Հանրապետության Շիրակի մարզի Արթիկ համայնքի սեփականությունը հանդիսացող /գյուղ Պեմզաշեն/ բնակավայրերի նպատակային նշանակության, բնակելի կառուցապատման գործառնական նշանակության 08-093-0040-0015 կադաստրային ծածկագրով 0,0108հեկտար մակերեսով հողամասի ուղղակի վաճառքով գնման նախապատվության իրավունքը, Հայաստանի Հանրապետության Շիրակի մարզի Արթիկ համայնքի ավագանին ՈՐՈՇՈՒՄ Է՝
1.Համայնքի ղեկավարի առաջարկությամբ, տալ համաձայնություն` Հայաստանի Հանրապետության օրենսդրությամբ սահմանված կարգով օրինական ճանաչված և Արթիկ համայնքի սեփականությունը համարված 0,003253հեկտար արտաքին մակերեսով կառուցված բնակելի նշանակության հացատունը և նրա պահպանման ու սպասարկման համար նախատեսված Հայաստանի Հանրապետության Շիրակի մարզի Արթիկ համայնքի սեփականությունը հանդիսացող /գյուղ Պեմզաշեն / բնակավայրերի նպատակային նշանակության, բնակելի կառուցապատման գործառնական նշանակության 08-093-0040-0015 կադաստրային ծակագրով 0,0108հեկտար մակերեսով հողամասը (վկայական N 08112022-08-0025, անշարժ գույքի հասցեն` Հայաստանի Հանրապետություն, Շիրակի մարզ, Արթիկ համայնք, գյուղ Պեմզաշեն, 15-րդ փողոց 2/10 հացատուն) գնման նախապատվության իրավունքով, 50856 (հիսուն հազար ութ հարյուր հիսունվեց) Հայաստանի Հանրապետության դրամ վաճառքի գնով օտարել կառուցապատողին՝ Մերուժան Քաջբերունու Հարեյանին (անձնագիր AV0235366, տրված՝ 2022թվականի մայիսի 30-ին 028-ի կողմից):
2.Հայաստանի Հանրապետության օրենսդրությամբ սահմանված կարգով քաղաքացու հետ կնքել անշարժ գույքի առուվաճառքի պայմանագիր և ապահովել սույն որոշումից բխող իրավունքների պետական գրանցումը՝ քաղաքացու միջոցներով:
3.Սույն որոշումն ուժի մեջ է մտնում օրենքով սահմանված կարգով իրազեկման օրվան հաջորդող օրվանից։
|