Ամերիկյան խորհրդի կազմակերպությունը 2018-ին շարունակում է իրականացնել պետական կառավարման և հանրային քաղաքականության մշակման գործընթացում ընդգրկված մարմինների աշխատակիցների մասնագիտական կատարելագործմանը և փոխանակմանն ուղղված ծրագիրը (Professional Fellows Program/PFP): Այս ծրագիրը հնարավորություն է ընձեռում պետական կառավարման և հանրային քաղաքականության մշակման գործընթացում ընդգրկված մարմինների աշխատակիցներին մեկնել ԱՄՆ՝ ուսումնասիրելու ամերիկյան օրենսդրական հաստատությունների և կառույցների փորձը: Ամերիկյան խորհուրդը փետրվարի 27-ին ժամը 18:30-ին տեղեկատվական հանդիպում է կազմակերպում ծրագրին դիմելու գործընթացի և իրականացման փուլերի վերաբերյալ: Հանդիպմանը ելույթ կունենան և իրենց փորձը կներկայացնեն ծրագրի շրջանավարտները: Մանրամասն տեղեկությունների համար կարող եք զանգահարել Ամերիկյան խորհրդի գրասենյակ՝ 010 56 00 45, 010 54 40 12

 Ընթերցողների ուշադրությանն ենք ներկայացնում PFP ծրագրի համառոտ նկարագրությունը: Երիտասարդ մասնագետների Professional Fellows Program/PFP/ ծրագիրը հովանավորում է ԱՄՆ-իՊետքարտուղարությանկրթական եւ մշակութային գործերի բաժինը: Հայաստանում PFP ծրագիրն իրականացնում է Միջազգային կրթության ամերկյան խորհուրդներ (Ամերիկյան խորհուրդներ) կազմակերպությունը։

PFP-ն հնարավորություն է ընձեռում խոստումնալից երիտասարդ մասնագետներին ծանոթանալու եւ գործնական փորձ ձեռք բերելու ԱՄՆ-ի կառավարական մարմիններում: PFP-ն ներգրավում է մասնագետների, ովքեր աշխատելով պետական մարմիններում, քաղաքացիական, կրթության հաստատություններում՝ ակտիվ ընգրկված են օրենսդրական կամ քաղաքականության մշակման գործընթացում: PFP մասնակիցները ԱՄՆ-ի քաղաքական գործընթացների վերաբերյալ իրենց մասնագիտական հետաքրքրություններն ու գիտելիքները կկարողանան խորացնել՝ հնարավորություն ունենալով աշխատելու Միացյալ Նահանգների պետական օրենսդրական մարմիններում, քաղաքապետարաններում, ինչպես նաեւ ԱՄՆ-ի Կոնգրեսում եւ քաղաքականության մշակման հարցերով զբաղվող ՀԿ-ներում:

PFP-ի նպատակն է մասնակիցներին հնարավորություն տալ՝

• ավելի խորը ծանոթանալու ԱՄՆ-ի օրենսդրական գործընթացներին,
• կարեւորելու քաղաքացիական հասարակության դերը եւ ներգրավվածությունը քաղաքական գործընթացներին,
• ստեղծելու գործընկերական կապեր ԱՄՆ-ի եւ Հայաստանի հաստատությունների միջեւ,
• միասնական ուղիներ փնտրելու եւ գործնական լուծումներ մշակելու ընդհանուր մտահոգություններն ու խնդիրները հաղթահարելու համար:

Ծրագրի մասնակիցներն ԱՄՆ-ում վերապատրաստումը կանցնեն 2018թ.-ի հոկտեմբերից 9-ից մինչև նոյեմբերի 17-ը: PFP ծրագիրը տրամադրում է ճանապարհածախս, վիզայի վճար, առողջության ապահովագրում եւ կրթաթոշակ: Բնակարանը եւ սնունդը տրամադրում են նախապես ընտրված հյուրընկալող ընտանիքները:

Ծրագրին մասնակցելու համար դիմորդները պետք է՝

• լինեն Հայաստանի Հանրապետության քաղաքացի եւ բնակիչ
• դիմելու պահին լինեն 25-ից 35 տարեկան,
• ունենան առնվազն բակալավրի կամ ավելի բարձր աստիճան,
• ունենան առնվազն երկու տարվա համապատասխան աշխատանքային փորձ եւ մտադրություն աշխատանքը շարունակելու իրենց երկրի պետական եւ հասարակական սեկտորում,
• ցուցաբերեն առաջնորդելու եւ համագործակցելու հմտություններ,
• տիրապետեն անգլերենին:

PFP ծրագրի մասնակիցներն ընտրվում են մրցութային կարգով:

Ծրագրին մասնակցելու համար դիմորդները պետք է մինչև 2018 թ մարտի 30-ը ներկայացնեն առցանց դիմում՝ http://ais.americancouncils.org/pfp

Ծրագրին դիմելու գործընթացի և մրցույթի անցկացման մասին  տեղեկություններ կարելի է ստանալ ծրագրի կայքից http://professionalfellows.americancouncils.org/