Արթիկի համայնքապետարանը տեղեկացնում ենք, որ մեկնարկել է «Սասնա ծռեր» կամ «Սասունցի Դավիթ» էպոսին նվիրված ամենամյա հանրապետական փառատոնը:
Ծրագրի համալիր միջոցառումների ցանկում կազմակերպվելու է էպոսասացության մրցույթ, որի մարզային փուլը տեղի կունենա 2017 թ. օգոստոսի 7-ին ժամը 11:00-ին` Գյումրու թիվ 6 հիմնական դպրոցում, հաղթողները 2017 թ. օգոստոսի 23-ին Երևանի «Հովհաննես Շարամբեյանի անվան ժողովրդական ստեղծագործության կենտրոն» ՊՈԱԿ-ում կմասնակցեն եզրափակիչ փուլին, այնուհետև 2017 թ. հոկտեմբերի 8-ին ՀՀ Արագածոտնի մարզի Աշտարակ քաղաքում գտնվող «Պերճ Պռոշյանի տուն-թանգարանում» գալա-համերգին:
Մարզային փուլին մասնակցելու նպատակով անհրաժեշտ է մինչև 2017 թ. հունիսի 30-ը ՀՀ Շիրակի մարզպետարանի աշխատակազմի կրթության, մշակույթի և սպորտի վարչության մշակույթի և սպորտի բաժին ներկայացնել մարզային փուլին Արթիկ համայնքի մասնակիցների հայտ-անվանացանկը (մասնակիցների կոնտակտային տվյալներով):
Ակնկալվում է Արթիկ համայնքի ներկայացուցիչների (առանց տարիքային սահմանափակման) ակտիվմասնակցությունը:
Լրացուցիչ տեղեկությունների համար դիմել «Սասնա տուն» ՀԿ նախագահ և ծրագրի համակարգող Ավագ Ավագյանին հեռ.` 010 34 63 39, 099 92 64 20: