15.05.2020 թ. ք. Արթիկ
Սույն թվականի մայիսի 15-ին ժամը 14:00-ին Արթիկի համայնքապետարանի նիստերի դահլիճում տեղի ունեցավ ԲԾԻԳ-ի կողմից իրականացվող, <<ԿՈՆՍՏԱՆՏԱԲԻԼԴ>> ՍՊԸ կողմից մշակվող <<Արթիկ քաղաքի փակված քարհանքի տարածքում անտառպուրակի և հանգստի գոտու հիմնման>> շրջակա միջավայրի վրա ազդեցության նախնական գնահատման հաշվետվության վերաբերյալ հանրային քննարկումների 3-րդ փուլը:
Մասնակցում էին՝ Արթիկ համայնքի ղեկավարի խորհրդական` Գ. Փթուկյանը, Արթիկի համայնքապետարանի աշխատակազմի քարտուղար Ա. Գրիգորյանը, ԲԾԻԳ-ի առաջատար մասնագետ Կ. Բզնունին, <<ԿՈՆՍՏԱՆՏԱ ԲԻԼԴ>> ՍՊԸ-ի տնօրեն, նախագծի գլխավոր ճարտարապետ Ա. Խաչատրյանը, Արթիկի համայնքապետարանի աշխատակիցներ և Արթիկ համայնքի մեկ բնակիչ:
Հանրային քննարկումները վարեց Արթիկ համայնքի աշխատակազմի քարտուղար` Ա. Գրիգորյանը: Նա ներկայացրեց ընդհանուր նախատեսվող աշխատանքները և 3-րդ փուլի հանրային քննարկման օրակարգը: Նա ներկայացրեց, որ մայիսի 14-ին թվով 52 նոր աղբարկղերը, որոնք ծրագրի շրջանակներում ԲԾԻԳ-ի կողմից էին ձեռք բերվել, տեղափոխվել են Արթիկ, ինչի համար հայտնեց իր գոհունակությունը: Նա նշեց, որ հանրային քննարկումը հեռարձակվում էր օնլայն եղանակով Արթիկի համայնքապետարանի ֆեյսբուքյան էջում՝ նպատակ հետապնդելով հանրային քննարկմանը ներգրավել ավելի մեծ թվով բնակիչների և ապահովելովել նրանց հեռավար մասնակցությունը: Ապա ձայնը տվեց ծրագրի նախագծման աշխատանքներն իրականացնող <<ԿՈՍՏԱՆՏԱԲԻԼԴ>> ՍՊԸ-ի տնօրեն Ա. Խաչատրյանին՝ ծրագրի իրականացման ընթացքում շրջակա միջավայրի վրա ազդեցության գնահատականը ներկայացնելու համար:
Քննարկումների պատասխանատու Ա. Խաչատրյանը ներկայացրեց, որ արտակարգ դրությամբ պայմանավորված այսօր հանրային քննարկմանը չի կարող մասնակցել բնապահպան փորձագետ Վ. Թևոսյանը, ում կողմից պետք է ներկայացվեր հաշվետվությունը, սակայն հաշվետվությունը կներկայացվի իր կողմից: Նա նշեց, որ նախագծային աշխատանքներն արդեն ավարտվել են, ջրառի, տարածքի բարեկարգման, ծառապատման հետ կապված լուծումները տրված են: Հաշվետվությունում հաշվի են առնվել բնապահպանական ոլորտում գործող իրավական փաստաթղթերը: Նա ներկայացրեց, որ նախագծի իրականացումը շրջակա միջավայրի ևսոցիալականմիջավայրիվրա կունենա միայնդրական ազդեցությունևբնապահպանականնշանակություն:Իսկ նախագծով նախատեսված փակ քարհանքերի տարածքների ռեկուլտիվացիայի, հանգստի գոտու տարածքի հիմնադրման, բարեկարգման և ոռոգման ցանցի անցկացման աշխատանքների արդյունքում շրջակամիջավայրիվրաբացասականազդեցություններըկլինենկարճատևևկդրսևորվեն միայնշինարարականաշխատանքներիընթացքում:Նախատեսվող գործունեության իրականացման ընթացքում շրջակա միջավայրի վրա ազդեցությունները պայմանավորված կլինեն հիմնականում մթնոլորտային արտանետումներով: Գործունեության ընթացքում շրջակա միջավայրի վրա հիմնական աղտոտիչներն են՝
· շինարարական տեխնիկայի և տրանսպորտային միջոցների շահագործման ընթացքում առաջացող գազանման արտանետումները (վառելիքի այրման արդյունքում),
· հողային աշխատանքների և գրունտի տեղափոխման ընթացքում, ինչպես նաև շահագործվող տեխնիկայի շարժից առաջացող փոշին:
«ԿՈՆՍՏԱՆՏԱԲԻԼԴ» ՍՊԸ–ի ներկայացուցչի կողմից նշվեց, որ շրջակա միջավայրի վրա ազդեցության գնահատման հաշվետվությունը մշակվել է Շրջակա միջավայրի նախարարության «Շրջակա միջավայրի վրա ազդեցության փորձաքննական կենտրոն» ՊՈԱԿ-ի կողմից տրված տեխնիկական առաջադրանքի պահանջներին համապատասխան:
ԲԾԻԳ-ի ներկայացուցիչ Կ. Բզնունին հավելեց, որ բնապահպանական և սոցիալական հնարավոր ռիսկները ծրագրի նախագծման և իրականացման փուլերում ԲԾԻԳ-ի կողմից հաշվի են առնվում և անպայման տարվելու են մեղմման միջոցառումներ:
Համայնքի բնակիչ Կ. Ափոյանը կրկին անգամ կիսվեց իր մտահոգություններով, որոնք կարող են առաջ գալ սևահողերի ձեռքբերման հարցում, սակայն նախագծող կազմակերպության ներկայացուցիչը բացատրեց, որ Հյուսիս-հարավ մայրուղու շինարարության արդյունքում սևահողերի բավարար քանակի կուտակումներ կան, դրանք պատկանում են ՀՀ կառավարությանը և նրանց կողմից ի պահ են տրված տարբեր համայնքներին: Ծրագրի իրականացման փուլում օրենքով սահմանված կարգով դրանք կտրամադրվեն ծրագիրն իրականացնողներին: Որոշակի ռիսկեր այս առթիվ կան, այս կապակցությամբ շինարարություն իրականացնող կազմակերպությունը, մրցույթը շահելուն պես, պետք օրենքով սահմանված կարգով ձեռք բերի համապատասխան պայմանագրեր: Գ. Փթուկյանը ներկայացրեց, որ հանրային քննարկման 3-րդ փուլը վերաբերում է շրջակա միջավայրի վրա ազդեցության նախնական գնահատմանը և որևէ առնչություն չունի սևահողերի ձեռքբերման հարցին:
Ա. Գրիգորյանը ներկայացրեց, որ հանրային քննարկման օնլայն հեռարձակման ժամանակ բնակիչների կողմից որևէ հարց չի բարձրացվել: Ամփոփելով քննարկումների արդյունքները՝ մասնակիցների կողմից դրական կարծիք տրվեց ՀՀ Շիրակի մարզի Արթիկ համայնքի Արթիկ քաղաքի փակ քարհանքի թափոնների և ջրհեղեղների կառավարում ծրագրի շրջանակներում իրականացվող <<Արթիկ քաղաքի փակված քարհանքի տարածքում անտառպուրակի և հանգստի գոտու>> հիմնման շրջակա միջավայրի վրա ազդեցության նախնական գնահատման հաշվետվության վերաբերյալ:
Հանրային քննարկաման տեսաձայնագրությունը՝ https://youtu.be/HoTfj0jj4Kg հղումով: