ՀՀ Շիրակի մարզի Արթիկ համայնքի ղեկավար Մ. Վարագյանս, ՀՀ վարչական իրավախախտումների վերաբերյալ օրենսգրքի 219.1 հոդվածի կարգով, << Տեղական ինքնակառավարման մասին >> ՀՀ օրենքի 35–րդ հոդվածի 1-ին կետի 26-րդ ենթակետով սահմանված իմ լիազորությունների շրջանակում 2017թ.-ի մայիսի 5-ին դռնբաց վարույթի ընթացքում, քննելով Ոստիկանության Արթիկի բաժնի կողմից ներկայացված եզրակացությունը, համայնքապետարանի քաղաքաշինության, հողօգտագործման և կոմունալ տնտեսության բաժնի պետ Գ. Հովհաննիսյանի, նույն բաժնի գլխավոր մասնագետ Վ. Գրիգորյանի կողմից կազմված Աղանիկ Ալոյանի կողմից օրենսգրքի 154-րդ հոդվածով նախատեսված վարչական իրավախախտում կատարելու վերաբերյալ արձանագրությունը.
Պարզեցի
2017թ.-ի ապրիլի 7-ին Ոստիկանության համապատասխան աշխատակիցների կողմից բացահայտվել և տեղում արձանագրվել է, որ քաղաքացի Աղանիկ Ալոյանը ք. Արթիկ Բաղրամյան փողոց 10/11 հասցեում գտնվող սեփականության իրավունքով իրեն պատկանող հողատարածքում առանց շին. թույլտվության ինքնակամ շինարարական աշխատանքներ է իրականացրել, այսինքն կատարել է վարչական իրավախախտում, որը նախատեսված է ՎԻՎ օրենսգրքի 154-րդ հոդվածի 1-ին կետի 1-ին պարբերությամբ:
2017թ.-ի մայիսի 5-ին նշանակված վարչական վարույթը լրացուցիչ տեղեկություններ ու փաստաթղթեր ձեռք բերելու անհրաժեշտությունից ելնելով` Արթիկ համայնքի ղեկավարի 05.05.2017թ. <<Վարչական իրավախախտման վերաբերյալ գործի վարույթի ժամկետը երկարաձգելու մասին>> թիվ 129-Ա որոշմամբ երկարաձգվել էր 10 օրով, որը վերսկսվեց 2017թ. մայիսի 15-ին, որի մասին պատշաճ ծանուցվել էին կողմերը:
Ծանուցագրի պատճենը կցվում է.
Քաղաքացի Աղանիկ Ալոյանն ստացել է Ոստիկանության եզրակացությունը և արձանագրությունը, գրավոր առարկություններ չի ներկայացրել, սակայն վարույթի ընթացքում հայտնեց, որ պատրաստ է վճարելու տուգանքը իրեն շին. թույլտվություն տալուց հետո:
Աղանիկ Ալոյանի կողմից վարչական իրավախախտում թույլ տալու հանգամանքն ապացուցված է պատշաճ կարգով կազմված արձանագրությամբ, ինչպես նաև Ոստիկանության կողմից կազմված նյութերի հիման վրա ներկայացված համապատասխան եզրակացությամբ և լրացուցիչ ձեռք բերված տեղեկություններով:
Ի նկատի ունենալով վերոգրյալն ամբողջությամբ հաստատված եմ համարում, որ Աղանիկ Ալոյանը թույլ է տվել վարչական իրավախախտում, որը նախատեսված է օրենսգրքի 154-րդ հոդվածի 1-ին կետի 1-ին պարբերությամբ:
Վերոգրյալի հիման վրա և ղեկավարվելով օրենսգրքի 154-րդ հոդվածի 1-ին կետի 1-ին պարբերությամբ <<Նվազագույն ամսեկան աշխատավարձի մասին>> ՀՀ օրենքի 3-րդ հոդվածով
Որոշում եմ
1. Քաղաքացի Աղանիկ Ալոյանին ենթարկել վարչական պատասխանատվության, նշանակելով տուգանք սահմանված նվազագույն աշխատավարձի երկու հարյուրապատիկի 200 000 ( երկու հարյուր հազար ) ՀՀ դրամի չափով:
2. Որոշման օրինակը երեք օրվա ընթացքում ուղարկել Աղանիկ Ալոյանին:
3. Սույն որոշումն ուժի մեջ է մտնում Ա. Ալոյանին պատշաճ իրազեկելու պահից:
4. Սույն որոշմամբ նշանակված տուգանքը Ա. Ալոյանի կողմից պետք է վճարվի որոշումը նրան հանձնելու օրվանից ոչ ուշ քան 15 օրվա ընթացքում: