Հարցի քննարկման համար հիմք է հանդիսացել Արթիկ համայնքի բնակիչ Հայկ Սանասարի Աբրահամյանի (ծնված 13.07.1955թ.) 05.06.2017թ. թիվ 1480 դիմումը:
Արթիկ համայնքի Սայաթ-Նովա փողոց 50 հասցեում գտնվող 08-002-0152- կադաստրային ծածկագրով հողամասի մակերեսը փաստացի կազմում է 692,3քմ, որից 400,0քմ. մակերեսով հողամասը Հայկ Սանասարի Աբրահամյանին ըստ օրենքի ժառանգության իրավունքով ձեռք բերած հողամասն է: Ըստ օրենքի ժառանգության իրավունքով ձեռք բերած հողամասին կից օգտագործվող 292,3քմ. մակերեսով հողամասը օրենքի ուժով կարող է փոխանցվել անհատույց սեփականության իրավունքով:
Հաշվի առնելով, որ բնակելի տունը կառուցվել է մինչև 2001թվականը, /22.07.2011թ. ըստ օրենքի ժառանգության իրավունքի վկայագիր/, Հայկ Սանասարի Աբրահամյանի բնակելի տան զբաղեցրած և դրա սպասարկման համար անհրաժեշտ հողամասը համապատասխանում է ՀՀ հողային օրենսգրքի 64-րդ հոդվածի 2-րդ կետի 1,2,3 ենթակետերով սահմանված պահանջներին և ընդգրկված չէ նույն օրենսգրքի 60-րդ հոդվածով նախատեսված հողամասերի ցանկում, ղեկավարվելով <<Իրավունքը հաստատող փաստաթղթերը չպահպանված անհատական բնակելի տների կարգավիճակի մասին>> ՀՀ օրենքով,ՀՀ կառավարության 2005թվականի դեկտեմբերի 29-ի <<Հայաստանի Հանրապետության քաղաքային և գյուղական բնակավայրերում, ներբնակավայրային աշխարհագրական օբյեկտների անվանակոչման, անվանափոխության, անշարժ գույքի` ըստ դրա գտնվելու և (կամ) տեղակայման վայրի համարակալման, հասցեավորման ու հասցեների պետական գրանցման կարգը հաստատելու և հասցեների գրանցման լիազոր մարմին սահմանելու մասին>> հ2387-Ն որոշմամբ,
ՈՐՈՇՈՒՄ ԵՄ`
- Արթիկ քաղաքի Սայաթ-Նովա փողոց 50 հասցեի բնակելի տանը տրամադրել հասցե՝ ՀՀ Շիրակի մարզ, Արթիկ համայնք, Սայաթ-Նովա փողոց 52 հասցեն:
- Վերականգնել Արթիկ համայնքի Սայաթ-Նովա փողոց 52 հասցեում գտնվող գույքային միավորների նկատմամբ Հայկ Սանասարի Աբրահամյանի հողօգտագործման իրավունքը բնակելի տան զբաղեցրած և սպասարկման համար անհրաժեշտ ըստ օրենքի ժառանգության իրավունքով ձեռք բերված 400,0քմ մակերեսով հողամասին կից 292,3քմ. մակերեսով հողամասի չափով՝ ճանաչելով նրանց սեփականության իրավունքը 692,3քմ մակերեսով հողամասի և դրա վրա գտնվող շենք-շինությունների նկատմամբ:
- Հողամասի սահմանները որոշվում են Արթիկ համայնքի ղեկավարի կողմից հաստատված հատակագծով:
- Սույն որոշման կատարման կազմակերպումը, պատասխանատվությունն ու հսկողությունը դնել Արթիկի համայնքապետարանի աշխատակազմի քաղաքաշինության, հողօգտագործման և կոմունալ տնտեսության բաժնի պետ՝ Սեյրան Ղռաթյանի վրա: