Ես՝ Հայաստանի Հանրապետության Շիրակի մարզի Արթիկ համայնքի ղեկավար Մխիթար Վարագյանս, ուսումնասիրելով Աղանիկ Ալոյանի  նկատմամբ հարուցված վարչական վարույթի նյութերը

Պարզեցի

Աղանիկ Ալոյանը Հայաստանի Հանրապետության Շիրակի մարզի Արթիկ համայնքի Բաղրամյան 10/11 հասցեում առանց օրենքով սահմանված կարգով համայնքի ղեկավարի կողմից տրված թույլտվության իրականացրել է շինարարական աշխատանքներ: Օրենքով սահմանված կարգով վարչական պատասխանատվության ենթարկվելուց հետո վերջինիս կողմից շարունակվել է շինարարական աշխատանքների կատարումը, որի վերաբերյալ Արթիկի համայնքապետարանի աշխատակազմի քաղաքաշինության, հողօգտագործման և կոմունալ տնտեսության բաժնի պետ Սուրիկ Տեր-Կարապետյանի և նույն բաժնի գլխավոր մասնագետ Գագիկ Քարտաշյանի  կողմից 2019թվականի հոկտեմբերի 8-ին կազմվել է համապատասխան արձանագրություն:

Ելնելով  վերոգրյալից և հաշվի առնելով, որ վերոհիշյալ արարքի համար պատասխանատվություն է նախատեսված Հայաստանի Հանրապետության  Վարչական իրավախախտումների վերաբերյալ օրենսգրքի 154-րդ հոդվածի 2-րդ մասովՙ  ինչպես նաև ղեկավարվելով  ‹‹Տեղական ինքնակառավարման մասին›› Հայաստանի Հանրապետության օրենքի 35-րդ հոդվածի 1-ին մասի 24-րդ կետով, ‹‹Վարչարարության հիմունքների և վարչական վարույթի մասին›› Հայաստանի Հանրապետության օրենքի 7-րդ գլխի դրույթներով

Որոշում եմ՝

1.     Աղանիկ Ալոյանին Վարչական իրավախախտումների վերաբերյալ Հայաստանի Հանրապետության օրենսգրքի 154 հոդվածի 2-րդ մասի  համաձայն ենթարկել վարչական պատասխանատվության: Նշանակել տուգանք 2.500.000 (երկու միլիոն հինգ հարյուր հազար) Հայաստանի Հանրապետության  դրամի չափով:

2.     Սույն որոշումը 3օրյա ժամկետում ուղարկել Աղանիկ Ալոյանին:

3.    Տուգանքը վճարել սույն որոշումը ստանալուց հետո 15օրյա ժամկետում 900205101216 հաշվեհամարին:

4.     Սույն որոշումն ուժի մեջ է մտնում «Վարչարարության հիմունքների և վարչական վարույթի մասին» Հայաստանի Հանրապետության օրենքի 59-րդ հոդվածով սահմանված կարգով իրազեկելուն հաջորդող օրվանից:

5.     Սույն որոշումը կարող է բողոքարկվել «Վարչարարության հիմունքների և վարչական վարույթի մասին» Հայաստանի Հանրապետության օրենքի 70, 71 –րդ հոդվածներով սահմանված կարգով, ուժի մեջ մտնելու օրվանից 2ամսյա ժամկետում:

6.       Սույն որոշումը օրենքով սահմանված ժամկետում անբողոքարկելի դառնալուց հետո ուղարկել կատարման Հայաստանի Հանրապետության Արդարադատության նախարարության դատական ակտերի հարկադիր կատարման  ծառայություն: