Ես՝ Հայաստանի Հանրապետության Շիրակի մարզի Արթիկ համայնքի ղեկավար Մխիթար Վարագյանս, ուսումնասիրելով Դավիթ Իգիթյանի նկատմամբ հարուցված վարչական վարույթի նյութերը
Պարզեցի
Դավիթ Իգիթյանը Հայաստանի Հանրապետության Շիրակի մարզի Արթիկ համայնքի Անկախության փող.,շենք 32-90 հասցեում առանց օրենքով սահմանված կարգով համայնքի ղեկավարի կողմից տրված թույլտվության իրականացրել է շինարարական աշխատանքներ: Օրենքով սահմանված կարգով վարչական պատասխանատվության ենթարկվելուց հետո վերջինիս կողմից շարունակվել է շինարարական աշխատանքների կատարումը, որի վերաբերյալ Արթիկի համայնքապետարանի աշխատակազմի քաղաքաշինության, հողօգտագործման և կոմունալ տնտեսության բաժնի գլխավոր մասնագետ Գագիկ Քարտաշյանի և չափագրող Ստեփան Տոնոյանի կողմից 2019թվականի հոկտեմբերի 7-ին կազմվել է համապատասխան արձանագրություն:
Ելնելով վերոգրյալից և հաշվի առնելով, որ վերոհիշյալ արարքի համար պատասխանատվություն է նախատեսված Հայաստանի Հանրապետության Վարչական իրավախախտումների վերաբերյալ օրենսգրքի 154-րդ հոդվածի 2-րդ մասով, ինչպես նաև ղեկավարվելով ‹‹Տեղական ինքնակառավարման մասին›› Հայաստանի Հանրապետության օրենքի 35-րդ հոդվածի 1-ին մասի 24-րդ կետով, ‹‹Վարչարարության հիմունքների և վարչական վարույթի մասին›› Հայաստանի Հանրապետության օրենքի 7-րդ գլխի դրույթներով
Որոշում եմ՝
1. Դավիթ ԻգիթյանինՎարչական իրավախախտումների վերաբերյալ ՀՀ օրենսգրքի 154 հոդվածի 2-րդ մասի համաձայն ենթարկել վարչական պատասխանատվության: Նշանակել տուգանք2.500.000(երկու միլիոն հինգ հարկուր հազար)Հայաստանի Հանրապետության դրամի չափով:
2. Սույն որոշումը 3օրյա ժամկետում ուղարկել Դավիթ Իգիթյանին:
3. Տուգանքը վճարել սույն որոշումը ստանալուց հետո 15օրյա ժամկետում 900205101216 հաշվեհամարին:
4. Սույն որոշումն ուժի մեջ է մտնում «Վարչարարության հիմունքների և վարչական վարույթի մասին» Հայաստանի Հանրապետության օրենքի 59-րդ հոդվածով սահմանված կարգով իրազեկելուն հաջորդող օրվանից:
5. Սույն որոշումը կարող է բողոքարկվել «Վարչարարության հիմունքների և վարչական վարույթի մասին» Հայաստանի Հանրապետության օրենքի 70, 71 –րդ հոդվածներով սահմանված կարգով, ուժի մեջ մտնելու օրվանից 2ամսյա ժամկետում:
6. Սույն որոշումը օրենքով սահմանված ժամկետում անբողոքարկելի դառնալուց հետո ուղարկել կատարման Հայաստանի Հանրապետության Արդարադատության նախարարության դատական ակտերի հարկադիր կատարման ծառայություն: