07.10.2021թ. ք. Արթիկ
<<Շրջակա միջավայրի վրա ազդեցության գնահատման և փորձաքննության մասին>> ՀՀ օրենքի /21.06.2014թ. Հ0-110-Ն/, ինչպես նաև ՀՀ կառավարության 19.11.2014թ. N 1325-Ն որոշմամբ սահմանված կարգով 2021 թվականի հոկտեմբերի 7-ին ժամը 11:00-ին ՀՀ Շիրակի մարզի Արթիկի համայնքապետարանում տեղի ունեցավ <<Գրիգներս>> ՍՊԸ-ի կողմից նախատեսվող Արթիկի տուֆերի հանքավայրի օգտակար հանածոյի անդյունահանման աշխատանքների՝ շրջակա մրջավայրի վրա ազդեցության գնահատման հաշվետվության վերաբերյալ հանրային 3-րդ քննարկումները:
Հանրային քննարկմանը մասնակցում էինԱրթիկի համայնքի ղեկավարի խորհրդական Գ. Փթուկյանը, <<Գրիգներս>> ՍՊԸ-ի տնօրեն Ն. Վարդանյանը, Արթիկ համայնքի ավագանու անդամ՝ Ո. Վարդանյանը, Արթիկի համայնքապետարանի քաղաքաշինության բաժնի մասնագետներ, համայնքի բնակիչներ:
Նիստը վարում էր՝
Արթիկ համայնքի ղեկավարի խորհրդական Գ. Փթուկյանը: Նա մասնակիցներին ներկայացրեց հանդիպման օրակարգը. <<Գրիգներս>> ՍՊԸ-ի տնօրենն Արթիկ համայնքի վարչական սահմանում, մասնավորապես Տուֆագործների փողոց 105 հասցեում 10,31042 հա մակերեսով հանքավայրում ցանկանում է կազմակերպել տուֆ քարի արդյունահանում: Այսօր նախատեսվող գործունեության համար <<Շրջակա միջավայրի վրա ազդեցության գնահատման և փորձաքննության մասին>> ՀՀ օրենքի պահանջներով անցկացվում են հանրային քննարկումների 3-րդ փուլը:
Ելույթ ունեցան.
1. Արթիկի ավագանու անդամ Ո. Վարդանյանը ասաց, որ վերոնշյալ հանքավայրերը նախկինում շահագործվել են <<Արթիկ Տուֆ>> ընկերության կողմից, սակայն ընկերության սնանկացումից հետո դրանցում դադարել է քարի արդյունահանումը: Այդ տարածքներն այժմ կրկին համայնքինն են, և համայնքի բնակիչները դրական են գնահատում հանքավայրերի վերաշահագործումը: Հանքավայրերը շահագործող կազմակերպությունը բարեկարգվելու է նաև Արթիկի անտառներ տանող ճանապարհը, որի երկայնքով ծառատունկ է իականացվելու: Տուֆ քարի արդյունահանման աշխատանքների ընթացքում աշխատելու է ջրցան մեքենա՝ առաջացած փոշու արտանետումները պակասեցնելու նպատակով, իրականացվելու են բնապահպանական բոլոր անհրաժեշտ միջոցառումները: Որպես ավագանի նա շեշտեց, որ ինքը և համայնքի բնակիչները շահագրգռված են, որ հանքարդյունաբերությունը համայնքում զարգանա, ստեղծվեն նոր աշխատատեղեր: Նա խնդրեց մասնակիցներին ակտիվ լինել և բարձրացնել հուզող բոլոր հարցերը:
Մասնակիցների կողմից հարցեր չհնչեցին.
Նիստը վարող Գ. Փթուկյանը, ամփոփելով հանրային քննարկումը, դրական գնահատեց նախաձեռնող կողմի՝ ներդրումներ կատարելու, ինչպես նաև բնապահպանական կանխարգելիչ միջոցառումներին մեծապես ուշադրության անժանացնելու պատրաստակամությունը: Նա նշեց, որ հանրային քննարկումների նախկին երկու փուլերում բնակիչների կողմից հավանաբար հնչեցվել են հուզող հարցերը և դրանց տրվել են սպառիչ պատասխաններ, այդ պատճառով բնական է համարում հարցերի բացակայությունը: Նա շնորհակալություն հայտնեց մասնակիցներին ներկա գտնվելու համար, իսկ ծրագրի նախաձեռնող կազմակերպությանը՝ հետագա հաջողություններ: